Fréttir

Jólamarkaður í Tjarnarborg verður sunnudaginn 7. desember kl. 14:00-18:00. Kvenfélagið verður með heitt á könnunni og nýbakaðar vöfflur til sölu og frést hefur að jólasveinar muni láta sjá sig milli kl. 15:00 og 16:00.

Við viljum benda á að þótt skíðasvæðið í Ólafsfirði sé lokað er skíðagöngubrautin (Bárubraut) opin. Nú er brautin mjög góð og hægt að vera í henni á kvöldin þar sem hún er upplýst. Brautin er um 3 km að lengd.  

Félagsmiðstöðin Æskó á Siglufirði hefur hafið Gettu betur keppni Æskó. Um er að ræða spurningakeppni með svipuðu sniði og hin vinsæla Gettu betur keppni framhaldsskólana.

Ólafsfirðingurinn Freyja Dana heldur fyrstu sýningu sína á Íslandi í 6 ár Í Listhúsi Ófeigs, Skólavörðustíg 5, laugardaginn 29. nóvember kl. 15-18. Á sýningunni eru 13 málverk unnin í pastel, krít og akríl, öll gerð á þessu ári. Þau byggja á svart hvítum ljósmyndum frá æskuslóðum í Ólafsfirði, 1956 -70, unnin í þeim litum sem hún geymir í minningunni.

Æskó sendi fulltrúa á Stíl 2008 sem haldin var núna um liðna helgi. Stíll er keppni þar sem keppt er í hárgreiðslu, förðun og fatahönnun.  

Um helgina var haldinn fjölskyldudagur í íþróttahúsum Fjallabyggðar. Þar var Fjallabyggð í samstarfi við íþróttafélögin að kynna íþróttastarfsemi félaganna. Dagurinn tókst mjög vel. Næsta skref er að setja á svipaðan dag þar sem útivist verður höfð að leiðarljósi. Hægt er að sjá myndir frá Siglufirði á sksiglo.is