Fréttir

Sveitarfélagið vinnur nú að því að meta umfang og orsök tjóna sem húseigendur og aðrir urðu fyrir sl. helgi. Hluti af þeirri vinnu felst í því að skoða tryggingalega stöðu sveitarfélagsins gagnvart þeim atburðum sem áttu sér stað. Sveitarfélagið hvetur húseigendur til þess að taka saman gögn og upplýsingar um áætlað tjón og senda inn erindi í gegnum "Ábendingar og fyrirspurnir". Óskað er eftir því að erindinu fylgi stutt lýsing á umfangi tjónsinsSveitarfélagið mun í framhaldinu vinna með hverja tilkynningu í samráði við húseigendur. Fjallabyggð hvetur jafnframt alla sem urðu fyrir tjóni að tilkynna slíkt til síns tryggingafélags.

Óvissustig almannavarna vegna rigningar og skriðuhættu er enn í gildi á Tröllaskaga. Siglufjarðarvegur er lokaður og verður áfram. Reglulegt eftirlit er með svæðinu og samráð haft við sérfræðinga Veðurstofu og Vegagerðar. Búið er að opna fyrir umferð um Fossveg, Hólaveg og Snorragötu á Siglufirði. Varað er við því að fólk sé á ferð um fjöll og hlíðar á svæðinu. Viðbragðsaðilar fylgjast grant með framvindu mála og staðan verður endurmetin á morgun.

Nú er úrhellis rigning á Tröllaskaga líkt og spár gerðu ráð fyrir. Því miður bilaði dæla í fráveitukerfinu á Siglufirði í nótt. Unnið er að viðgerðum.

Bæjarstjórn Fjallabyggðar 247. fundur bæjarstjórnar Fjallabyggðar, verður haldinn í Ráðhúsi Fjallabyggðar, Gránugötu 24, Siglufirði þann 26. ágúst 2024 kl. 12:10

Íþróttamiðstöðvar Fjallabyggðar auglýsa breyttan opnunartíma sundlauga vegna skólasunds fram að vetraropnun sem tekur gildi 2. september nk. Athugið að vegna skólasunds verða sundlaugar Íþróttamiðstöðvanna lokaðar á eftirfarandi tímum frá 23. ágúst til 1. september. 

Skólasetning Grunnskóla Fjallabyggðar er fimmtudaginn 22. ágúst.

Öll umferð er óheimili á flugvellinum á Siglufirði frá 22. ágúst til 15. september

Ný akstursáætlun skólarútu tekur gildi föstudaginn 23. ágúst nk.

Tillaga að breytingu á Aðalskipulagi Fjallabyggðar 2020-2032

Eftirfarandi lóðir eru auglýsingar lausar til úthlutunar að nýju: Bakkabyggð 6 - Ólafsfirði Suðurgata 85 - Siglufirði