Skipulags- og umhverfisnefnd Fjallabyggðar

Ætlunin var að fá fulltrúa Íslenska gámafélagsins á fund skipulags- og umhverfisnefndar og kynna fyrir nefndinni tillögur um aðgerðir til að bæta flokkun íbúa. Komu þeirra var frestað til 8.10.2014.

Lagt fram erindi Ólafs Helga Marteinssonar fyrir hönd Ramma hf. og Primex ehf. þar sem krafist er að Fjallabyggð komi fráveitumálum í það horf að við verði unað.

Nefndin felur deildarstjóra tæknideildar að eiga fund með forráðamanni Ramma hf. um úrlausn á þessu erindi, jafnframt að fá upplýsingar um þær úrbætur sem óskað var eftir í bréfi Heilbrigðiseftirlits Norðurlands vestra dagsett 5.7.2013.

Húseigendur við Grundargötu nr.5a, 5b, 7a og Lækjargötu 4c, óska eftir því að fá afnot af lóð við Lækjargötu 6c fyrir bílastæði.

Nefndin felur deildarstjóra tæknideildar að gera tillögu að nýjum lóðarblöðum og ræða við umsækjendur um tillöguna þar sem leitast verður við að koma til móts við óskir ofangreindra húseigenda. Málið verður afgreitt á næsta fundi nefndarinnar þann 8. október nk. Nefndin ræddi hugmynd um 2m breiðan göngustíg milli lóðarmarka Grundargötu 7b og Grundargötu 9.

Lagður fram lóðarleigusamningur vegna stækkunar á lóðinni Grundargötu 7b.

Erindi frestað, sjá dagskrárlið fyrir ofan.

Lagt fram til kynningar erindi frá Jóni Árna Konráðssyni, fjallskilastjóra.

Erindi vísað til bæjarráðs.

Erindi frestað.

Á 170. fundi skipulags- og umhverfisnefndar óskaði nefndin eftir tillögum frá hundaeigendum á Ólafsfirði að svæðum utan íbúabyggðar fyrir afgirt hundasvæði.

Borist hafa tvær tillögur frá hundaeigendum á Ólafsfirði að staðsetningu og efnisvali í afgirt hundasvæði.

Nefndin fellst á tillögu 2 sem er við sunnanverðan endan á gamla flugvellinum við Mummavatnið. Erindi um girðingu er vísað til bæjarráðs.

Lagt fram erindi Helga Jóhannssonar, þar sem óskað er eftir því að heft verði fyrir frekari útbreiðslu lúpínu í Tindaöxl.

Skipulags- og umhverfisnefnd óskar eftir því við tæknideild að hún afli upplýsinga um hvernig staðið sé að því að hefta útbreiðslu lúpínu og kerfils.

Lögð fram umsókn Olís um lóð undir eldsneytisafgreiðslu við Vesturtanga 18-20. Aðeins hafði borist þessi eina umsókn að umsóknarfresti liðnum.

Nefndin samþykkir að veita Olís umbeðna lóð.

Lagt fram erindi húseiganda að Eyrarflöt 5 þar sem óskað er eftir því að útbúið verði einhvers konar hindrun til að verja húsin við Eyrarflöt 1,3 og 5 fyrir bílaumferð. Litlu hefur munað í umferðaróhöppum að bílar hafi lent á húsveggjum viðkomandi húsa.

Deildarstjóra tæknideildar er falið að koma með hugmyndir fyrir næsta fund að úrbótum. Nefndin leggur ríka áherslu á að Vegagerðin hefji framkvæmdir á hringtorgi við gatnamót Norðurtúns, Snorragötu og Langeyrarvegs. Framkvæmdin þolir enga bið þar sem þarna hafa orðið alvarleg umferðarslys.

Húseigendur að Kirkjuvegi 16 Ólafsfirði, óska eftir að gengið verði frá lóðarleigusamningi vegna lóðarinnar Strandgötu 21b.

Erindi frestað.

Lagt fram erindi húseiganda að Hvanneyrarbraut 32b vegna ástands húss við Hvanneyrarbraut 32.

Erindi frestað.

Guðrún Gunnarsdóttir sækir um leyfi fyrir sumarhúsi á nýstofnaðri lóð úr landi Ytri-Gunnólfsár II. Lagður er fram lóðarleigusamningur sem er í þinglýsingu, byggingarleyfisumsókn, aðaluppdrættir og umsókn um stofnun fasteignar í fasteignaskrá.

Formaður leggur fram tölvupóst frá Júlí Ósk Antonsdóttur fyrir hönd landeigenda að Ytri-Gunnólfsá I. Í ljósi framkominna upplýsinga er málinu frestað til næsta fundar.

Þórir Stefánsson og Sigurlaug Guðjónsdóttir sækja um leyfi fyrir hönd AFL, sparisjóðs til að klæða eignina Eyrargötu 12, Siglufirði.

Erindi samþykkt.

Lagt fram bréf frá Jóni Andrjesi Hinrikssyni þar sem hann óskar eftir leyfi til að klæða neðri hæð húss síns með bárujárni.

Erindi samþykkt.

Fundargerð starfshóps um búfjárhald í Fjallabyggð 2014 lögð fram til kynningar.

Í skipulagslögum nr.123/2010 kemur fram í 35. gr. laganna, að þegar að loknum kosningum til sveitarstjórna metur sveitarstjórn hvort ástæða sé til að endurskoða aðalskipulagið. Í málefnasamningi meirihluta S-lista og F-lista kemur fram m.a. að ljúka þurfi endurmati á aðalskipulagi Fjallabyggðar og marka framtíðarsýn í þeim málum.

Bæjarráð felur skipulags- og umhverfisnefnd að hefja vinnu við aðalskipulag bæjarfélagsins og felur deildarstjóra tæknideildar að gera ráð fyrir þeim kostnaði í tillögum sínum við gerð fjárhagsáætlunar fyrir árið 2015.

Niðurstaða fyrir hreinlætismál er 12 millj. kr. sem er 105% af áætlun tímabilsins sem var 11,4 millj. kr.
Niðurstaða fyrir skipulags- og byggingarmál er 11,8 millj. kr. sem er 92% af áætlun tímabilsins sem var 12,7 millj. kr.
Niðurstaða fyrir umferðar- og samgöngumál er 61,7 millj. kr. sem er 93% af áætlun tímabilsins sem var 66,3 millj. kr.
Niðurstaða fyrir umhverfismál er 39 millj. kr. sem er 108% af áætlun tímabilsins sem var 36 millj. kr.
Niðurstaða fyrir eignasjóð er -76 millj. kr. sem er 127% af áætlun tímabilsins sem var -59,9 millj. kr.
Niðurstaða fyrir þjónustumiðstöð er 13,5 millj. kr. sem er 85% af áætlun tímabilsins sem var 15,9 millj. kr.
Niðurstaða fyrir veitustofnun er -1,3 millj. kr. sem er -34% af áætlun tímabilsins sem var 3,8 millj. kr.