Skipulags- og umhverfisnefnd Fjallabyggðar

Undir þessum lið mætti Þorsteinn Ásgeirsson á fund nefndarinnar og gerði grein fyrir hugmyndum sínum er varðar að útbúa minigolf í Ólafsfirði. Hönnun brauta verður sögutengd Tröllaskaga frá Akureyri til Hóla í Hjaltadal. Fyrirhuguð staðsetning yrði á svæðinu milli bókasafnsins og grunnskólans.

Nefndinni líst vel á þessar hugmyndir og telur að þær falli vel að hugmyndum um gerð Tröllagerðis og samþykkir fyrirhugaða staðsetningu austan við bókasafnið.

Lögð fram tillaga að deiliskipulagi fyrir Vesturtanga á Siglufirði. Tillagan var kynnt þann 2. desember með opnu húsi á tæknideild Fjallabyggðar. Innan skipulagssvæðisins er gert ráð fyrir tveimur lóðum fyrir sjálfsafgreiðslustöðvar fyrir eldsneyti. Lagt er til að tillagan verði auglýst skv. 1. mgr. 41. gr. skipulagslaga nr. 123/2010, þ.e. í Lögbirtingablaðinu og með áberandi hætti í dagblaði sem gefið er út á landsvísu. Athugasemdafrestur skal eigi vera skemmri en sex vikur frá birtingu auglýsingar.

Erindi samþykkt.

Gunnar St. Ólafsson fyrir hönd Selvíkur ehf sækir um byggingarleyfi fyrir hótel að Snorragötu 3 á Siglufirði samkvæmt meðfylgjandi teikningum.

Einnig lagðar fram athugasemdir slökkviliðsstjóra vegna brunahönnunar hótelsins.

Nefndin samþykkir byggingarleyfi með fyrirvara um framkomnar athugasemdir slökkviliðsstjóra.

Gunnsteinn Ólafsson eigandi Eyrargötu 4 á Siglufirði sækir um leyfi til breytinga á fyrrgreindri húseign samkvæmt meðfylgjandi teikningum. Verður húsið klætt að utan, skipt um glugga og viðbygging norðan við húsið endurbyggð.

Nefndin samþykkir erindið.

Ólafur G. Guðbrandsson sækir um leyfi til að halda búfé að Brimvöllum 3 í Ólafsfirði.

Erindi samþykkt.

Lögð fram umsókn tíu fjáreigenda í Siglufirði sem standa að fjárbúinu Bóhem í Lambafeni um beitarhólf fyrir sauðfé sitt. Nú þegar hafa þeir fengið úthlutað sléttu sem er beint norður af fjárhúsinu en nú sækja þeir um að fá til afnota næstu sléttu fyrir ofan fjárhúsið.

Erindi hafnað.

Ólafur Snæbjörnsson og Kolbrún K. Gunnarsdóttir eigendur Eyrargötu 20 sækja um að fá að stækka lóð sína til norðurs samkvæmt meðfylgjandi teikningu.

Lagður fram lóðarleigusamningur fyrir Eyrargötu 20 með stækkun á lóð til norðurs.

Nefndin samþykkir stækkun á lóð og framlagðan lóðarleigusamning.

Tómas P. Óskarsson og Örvar Tómasson fyrir hönd Byls útgerðarfélags ehf sækja um afnotarétt af lóðinni Grundargötu 22 vegna starfsemi fyrirtækisins. Verður lóðin notuð fyrir bílastæði, geymslu fyrir kör og annað sem tilheyrir fyrirtækinu.

Lagður fram lóðarleigusamningur til handa Byl útgerðarfélagi ehf fyrir Grundargötu 22.

Nefndin samþykkir úthlutun á lóð til fyrirtækisins og framlagðan lóðarleigusamning.

Lögð fram til kynningar stöðuskýrsla á fráveitu Siglufjarðar, en í skýrslunni eru lagðar fram ýmsar aðgerðir til endurbóta á fráveitunni.

Lagt fram til kynningar erindi frá Mannvirkjastofnun þar sem sveitarfélög eru hvött til þess að koma upp virku gæðastjórnunarkerfi til þess að efla starfsemi byggingarfulltrúa.

Lögð fram tilkynning frá Vegagerðinni um fyrirhugaða niðurfellingu Kvíabekksvegs og Kleifarvegar af vegaskrá.