Skipulags- og umhverfisnefnd Fjallabyggðar

Lögð fram tillaga H-lista að breytingu á deiliskipulagi miðbæjar Siglufjarðar, dagsett 4.nóvember 2018. Lagt er til að suðurhluta Lækjargötu milli Aðalgötu og Gránugötu verði skilgreint sem útisvæði í stað bílastæða skv. meðfylgjandi teikningu.

Lögð fram umsögn Skipulagsstofnunar dags. 14. nóvember 2018, vegna yfirferðar tillögu að breytingu á aðalskipulagi Fjallabyggðar á Kleifum í Ólafsfirði. Stofnunin mælir með að í tillögunni komi fram ákvæði um stærð bygginga og að gera þurfi grein fyrir veitum fyrir frístundabyggðina á svæðinu. Einnig lögð fram að nýju aðalskipulagstillagan dags.27. nóvember 2018, þar sem búið er að koma til móts við athugasemdir Skipulagsstofnunar.

Lögð fram að nýju tillaga að púttvelli við Hvanneyrarbraut að lokinni grenndarkynningu sem kynnt var frá 22.október - 30. nóvember 2018. Lagðar eru fram athugasemdir þriggja aðila sem snúa að aðstöðu fyrir bíla þeirra sem völlinn sækja og mikilli og hraðri umferð um Hvanneyrarbraut austan megin við fyrirhugaðan völl.

Lagðar fram tillögur að breytingum á forhönnun grunnskólalóðarinnar í Ólafsfirði vegna nýrrar aldursskiptingar.

Lögð fram fyrirspurn eigenda Kaffi Klöru þar sem spurt er hvort leyfi fengist til að reisa sólstofu meðfram vesturhlið Kaffi Klöru og gróðurhús á lóðinni fyrir aftan Kaffi Klöru og Mílu í tengslum við verkefnið Matur er manns gaman.

Lögð fram umsókn um byggingarleyfi dags.3. desember 2018. Elín Þorsteinsdóttir, fyrir hönd lóðarhafa Hverfisgötu 22, sækir um leyfi til að byggja íbúðarhús á þremur hæðum skv. meðfylgjandi teikningum.

Lögð fram umsókn dagsett 15. nóvember 2018 þar sem Sigurgeir H. Jónsson sækir um leyfi til að klæða hús sitt við Hólaveg 17b með bárujárni.

Lögð fram umsókn um byggingarleyfi dags.5. nóvember 2018 þar sem Sigurður Örn Baldvinsson óskar eftir leyfi til að breyta Hávegi 2 í íbúðarhúsnæði skv. meðfylgjandi teikningum.

Lagt fram bréf tæknideildar dagsett 21. september 2018 þar sem skorað er á eiganda Hólavegar 12 að bæta úr ástandi fasteignarinnar og senda byggingarfulltrúa raunhæfa framkvæmdaáætlun. Einnig lagt fram svar húseiganda við bréfinu.

Lagt fram erindi landupplýsingadeildar Þjóðskrár Íslands dags. 15. nóvember 2018. Óskað er eftir landfræðilegum gögnum sveitarfélagsins.

Lögð fram til kynningar drög að gjaldskrá byggingarfulltrúa fyrir árið 2019.

Við Lækjargötu milli Aðalgötu og Eyrargötu á Siglufirði er bílum lagt beggja megin götunnar. Samkvæmt umferðarlögum skal leggja hægra megin í einstefnugötur nema annað sé sérstaklega tekið fram. Engar merkingar eru í Lækjargötu sem heimila ökumönnum að leggja vinstra megin götunnar eins og hefð hefur verið fyrir í gegnum tíðina. Við Norðurgötu eru sömuleiðis engar merkingar sem heimila ökumönnum að leggja vinstra megin í götunni.