Umsókn um lóð til gerðar púttvallar

Lögð fram umsókn Félags eldri borgara á Siglufirði um svokallaða “Fógetalóð" á Siglufirði til gerðar púttvallar. Í bréfinu kemur fram að félaginu hafi verið veittur styrkur frá Samfélags- og menningarsjóði Siglufjarðar að upphæð kr. 2.340.000.-.

Bæjarráð felur deildarstjóra tæknideildar að ræða við forsvarsmenn/ félagsmenn um mögulega staðsetningu púttvallarins á Siglufirði.

Lagt fram minnisblað frá deildarstjóra vegna umsóknar Félags eldri borgara á Siglufirði um lóð undir púttvöll á Siglufirði. Í minnisblaðinu er lagt til að félaginu verði úthlutað lóð meðfram Hvanneyrarbraut móts við hús númer 30-36 og runnar verði gróðursettir á lóðinni til þess að auka skjól.

Bæjarráð samþykkir tillögu deildarstjóra tæknideildar.

Tekið fyrir bréf frá Félagi eldri borgara á Siglufirði þar sem fram kemur að félagið afþakkar lóð að Hvanneyrarbraut sem bæjaryfirvöld höfðu úthlutað því fyrir púttvöll.
Bæjarráð þakkar góðar kveðjur og óskar félagsmönnum sömuleiðis gleðilegrar hátíðar.

Nefndin óskar eftir umsögn deildarstjóra tæknideildar.

Umsóknin er samþykkt með þremur atkvæðum (Konráð K. Baldvinsson og Ingibjörg G. Jónsdóttir og Helgi Jóhannsson)gegn tveimur (Brynja Hafsteinsdóttir og Hjördís H. Hjörleifsdóttir), með þeim fyrirvara að skoðað verði að staðsetning á púttvellinum miðist við að hægt verði að nýta byggingarlóðir við Hlíðarveg og Hvanneyrarbraut austan og vestanmegin við púttvöllinn.

Lögð fram drög að staðsetningu púttvallar við Hvanneyrarbraut, Siglufirði.

Bæjarráð samþykkir að vísa málinu til skipulags-og umhverfisnefndar.

Nefndin leggur til að púttvellinum verði hliðrað til suðurs og verði miðsvæðis á lóðinni og felur tæknideild að grenndarkynna tillöguna.

Nefndin þakkar fyrir framkomnar athugasemdir frá íbúum en telur betra að bíða með að byggja upp bílastæði þar til þörf liggur fyrir miðað við notkun á vellinum. Einnig felur nefndin tæknideild að leita leiða til að hægja á umferð við Hvanneyrarbraut.