Bæjarráð Fjallabyggðar

Ríkey Sigurbjörnsdóttir deildarstjóri fræðslu-, frístunda- og menningarmála sat undir þessum lið.

Á fundi bæjarstjórnar þann 18. apríl sl. var samþykkt að vísa málinu til umfjöllunar í bæjarráði. Markaðs- og menningarnefnd leggur til að unnið verði að gerð menningarstefnu sveitarfélagsins og hún gefin út árið 2018. Skipaður verði vinnuhópur með fulltrúa nefndarinnar, markaðs- og menningarfulltrúa og þremur aðilum sem koma að þjónustu við ferðamenn.

Deildarstjóri fór yfir fyrirhugað fyrirkomulag á vinnu starfshópsins og tímaáætlun.

Bæjarráð samþykkir að fresta skipan vinnuhóps þar til að ný bæjarstjórn hefur verið kjörin.

Ríkey Sigurbjörnsdóttir deildarstjóri fræðslu-, frístunda- og menningarmála sat undir þessum lið.

Á fundi bæjarstjórnar þann 18. apríl sl. var samþykkt að vísa málinu til umfjöllunar í bæjarráði. Markaðs- og menningarnefnd leggur til að unnið verði að gerð ferðastefnu sveitarfélagsins og hún gefin út árið 2018. Skipaður verði vinnuhópur með fulltrúa nefndarinnar, markaðs- og menningarfulltrúa og þremur aðilum sem koma að þjónustu við ferðamenn.

Deildarstjóri fór yfir fyrirhugað fyrirkomulag á vinnu starfshópsins og tímaáætlun. Vinnan við stefnuna er vel á veg komin.

Bæjarráð felur deildarstjóra fræðslu-, frístunda- og menningarmála að skipa vinnuhóp sem mun ljúka þessari vinnu.

Tekið fyrir svarbréf bæjarstjóra og deildarstjóra stjórnsýslu og fjármála vegna fyrirspurnar Hönnu Björnsdóttur um álögð gjöld.

Bæjarráð samþykkir svarbréfið.

Ríkey Sigurbjörnsdóttir deildarstjóri fræðslu-, frístunda- og menningarmála sat undir þessum lið.

Lögð fram drög að nýjum samstarfssamningi Fjallabyggðar og Hestamannafélagsins Gnýfara.

Bæjarráð samþykkir drögin og felur deildarstjóra að senda UÍF drögin til kynningar.

Ríkey Sigurbjörnsdóttir deildarstjóri fræðsu-, frístunda- og menningarmála sat undir þessum lið.

Lögð fram drög að nýjum samstarfssamningi Fjallabyggðar og Hestamannafélagsins Glæsis.

Bæjarráð samþykkir drögin og felur deildarstjóra að senda UÍF drögin til kynningar.

Ársreikningur Fjallabyggðar fyrir árið 2017 lagður fram til kynningar.

Bæjarstjóri fór yfir helstu kennitölur í ársreikningnum.

Bæjarstjóri fór yfir stöðu mála vegna vinnu við skráningu Siglufjarðarflugvallar sem lendingarstaðar.

Bæjarráð felur bæjarstjóra að vinna áfram að málinu í samræmi við það sem rætt var á fundinum.

Tekin fyrir beiðni deildarstjóra tæknideildar um heimild til að halda lokað útboð vegna tveggja framkvæmda á fráveitukerfi Siglufjarðar. Annars vegar á fráveitulögn frá SR að dælubrunni við Olís. Hins vegar á endurnýjun á fráveitu og vatnslögnum í Eyrargötu frá gatnamótum Lækjargötu og að gatnamótum við Norðurgötu.

Eftirtöldum aðilum verði gefinn kostur á að bjóða í verkið:

Árni Helgason ehf.
Bás ehf.
Magnús Þorgeirsson ehf.
Smári ehf
Sölvi Sölvason ehf.

Bæjarráð samþykkir að veita heimild til lokaðs útboðs.

Tekin fyrir beiðni deildarstjóra tæknideildar um heimild til lokaðs útboðs vegna viðgerðar á þaki Tónlistarskólans á Siglufirði. Eftirtöldum yrði gefinn kostur á að bjóða í verkið:

Berg ehf.
GJ smiðir ehf.
L7 ehf.
Trésmíði ehf.

Bæjarráð samþykkir að veita heimild til lokaðs útboðs.

Á fundi hafnarstjórnar þann 26.apríl sl. var lagt til við bæjarráð að gera verðkönnun vegna framkvæmda á Roaldsbryggju og smábátahöfn á Siglufirði.

Eftirtöldum aðilum verði gefinn kostur á að gera tilboð:

Berg ehf
L7 ehf
GJ smiðir ehf
Trésmíði ehf

Bæjarráð samþykkir að gerð verði verðkönnun vegna framkvæmdanna.

Tekin fyrir umsókn frá Félagi eldri borgara um lóð til gerðar púttvallar, svokallaða Fógetalóð sem liggur milli Hvanneyrarbrautar og Hlíðarvegar. Ekki er sótt um lóðir við Hvanneyrarbraut, einungis við Hlíðarveg.

Bæjarráð samþykkir að vísa umsókninni til umfjöllunar í skipulags- og umhverfisnefnd.

Tekin fyrir styrkbeiðni frá Kór eldri borgara um frí afnot af Tjarnarborg vegna tónleika sem kórinn mun halda þann 11. maí nk. Húsaleiga er 20.000 kr.

Bæjarráð samþykkir styrkbeiðnina og styrkurinn færist á lið 21810-9291.

Lögð fram til kynningar fréttatilkynning frá skrifstofu Alþingis vegna þingfundar sem haldinn verður á Þingvöllum þann 18. júlí 2018.

Aðalfundur Greiðrar leiðar ehf. verður haldinn föstudaginn 11. maí nk. í aðstöðu Vaðlaheiðarganga hf. við gangamunna í Eyjafirði kl. 15.00.

Bæjarstjóri sækir fundinn fyrir hönd Fjallabyggðar.

Aðalfundur Markaðsstofu Norðurlands verður haldinn 3. maí nk. á Hótel KEA á Akureyri kl. 10.00-12.00.

Lagt fram til kynningar.

Lagt fram til kynningar erindi frá úrvinnslustöðinni Skógarafurðir þar sem sóst er eftir samstarfi við sveitarfélög vegna förgunar á trjám sem íbúar fella í vor og sumar.

Bæjarráð vísar málinu til deildarstjóra tæknideildar til úrvinnslu.

Umhverfis- og samgöngunefnd sendir til umsagnar frumvarp til laga um mat á umhverfisáhrifum (EES-reglur, stjórnvaldssektir ofl.), 467. mál.

Lagt fram til kynningar.

Umhverfis- og samgöngunefnd Alþingis sendir til umsagnar tillögu til þingsályktunar um stefnumarkandi landsáætlun um uppbyggingu innviða til verndar náttúru og menningarsögulegum minjum 2018-2029.

Lagt fram til kynningar.

Umhverfis- og samgöngunefnd sendir til umsagnar frumvarp til laga um skipulag haf- og strandsvæða, 425. mál.

Lagt fram til kynningar.

Lagðar fram til kynningar fundargerðir 5. fundar afmælisnefndar vegna 100 ára kaupstaðarafmælis Siglufjarðar, 96. fundar hafnarstjórnar og 223.fundur skipulags- og umhverfisnefndar.