Menningarstefna Fjallabyggðar

Markaðs- og menningarfulltrúi fór yfir þær athugasemdir við Menningarstefnu Fjallabyggðar, sem hann setti fram í minnisblaði til nefndarinnar. Í ljósi framkominna athugasemda telur nefndin að ekki þurfi að gera viðamiklar breytingar á Menningarstefnu Fjallabyggðar en tekur undir þá athugasemd að vinna þurfi langtímaáætlun um uppbyggingu á sviði menningarmála þar sem verkefnum verður forgangsraðað og þau tímasett.
Slík áætlun er grundvöllur til frekari ákvörðunartöku er lýtur að fjárframlagi til menningarmála.

Jafnframt telur nefndin mikilvægt að vinna við endurskoðun stefnunnar taki mið af markmiðum í menningarstefnu Eyþings frá 2013.

Nefndin felur markaðs- og menningarfulltrúa og formanni nefndarinnar að vinna drög að endurskoðaðri menningarstefnu út frá þeim athugasemdum sem gerðar hafa verið.

Markaðs- og menningarnefnd samþykkir að fela Lindu Leu markaðs- og menningarfulltrúa að leiða vinnu við endurskoðun á menningarstefnu Fjallabyggðar. Með henni í vinnuhóp verða Arndís Erla Jónsdóttir og Ægir Bergsson. Nefndin hvetur til þess að leitað verði eftir áliti menningarstofnana, félagasamtaka og áhugafólks í þessari vinnu. Stefnt skal að því að vinnunni verði lokið í byrjun desember.

Linda Lea Bogadóttir markaðs- og menningarfulltrúi gerði grein fyrir vinnu við endurskoðun á Menningarstefnu Fjallabyggðar.

Linda Lea Bogadóttir markaðs- og menningarfulltrúi gerði grein fyrir vinnu við endurskoðun á menningarstefnu Fjallabyggðar. Kynningarfundur verður haldinn í Ráðhúsi Fjallabyggðar fimmtudaginn 17. nóvember nk. kl. 17:00 þar sem vinna og undirbúningur að hinni nýju menningarstefnu Fjallabyggðar verður kynnt og vinnuhópar myndaðir til áframhaldandi vinnu. Hvetur nefndin alla hlutaðeigandi aðila til að mæta á fundinn.

Lagt fram erindi frá aðilum sem mættu á fund bæjarfélagsins 18. nóv. s.l. ráðhúsinu, til að fjalla um endurskoðun á menningarstefnu Fjallabyggðar.

Jafnframt var lagt fram minnisblað markaðs- og menningafulltrúa, Lindu Leu Bogadóttur um stöðu vinnu við endurskoðun menningarstefnu Fjallabyggðar.

Linda Lea Bogadóttir markaðs- og menningarfulltrúi gerði grein fyrir vinnu við endurskoðun á menningarstefnu sveitarfélagsins.
Afgreiðslu frestað til næsta fundar.

Menningarstefna Fjallabyggðar er í endurskoðun. Drög lögð fram til kynningar. Umræðu frestað til næsta fundar.

Árið 2016 var stofnaður stýrihópur af þáverandi Markaðs- og menningarnefnd sem vann fyrstu drög að endurnýjaðri menningarstefnu. Mikilvægt er að halda þessari vinnu áfram. Markaðs- og menningarnefnd leggur til að settur verði saman vinnuhópur sem klárar þessa vinnu með það fyrir augum að gefa út nýja Menningarstefnu Fjallabyggðar á árinu 2018. Í vinnuhópnum ætti fulltrúi Markaðs- og menningarnefndar sæti, markaðs- og menningarfulltrúi og þrír fulltrúar sem koma að menningarmálum í Fjallabyggð.

Gildandi menningarstefna Fjallabyggðar er útgefin árið 2009. Markaðs- og menningarnefnd leggur til að farið verði í endurgerð stefnunnar. Markaðs- og menningarfulltrúa falið að koma með hugmynd að næstu skrefum í vinnunni.

Markaðs- og menningarnefnd fór yfir fyrstu drög að endurskoðaðri Menningarstefnu Fjallabyggðar. Markaðs- og menningarfulltrúa falið að vinna drögin áfram samkvæmt umræðu fundarins.

Umræðu frestað til næsta fundar.

Fyrir liggur að ljúka endurskoðun á Menningarstefnu Fjallabyggðar. Nefndarmenn ákváðu næstu skref í vinnunni.

Málinu frestað til næsta fundar.

Unnið að endurskoðun á Menningarstefnu Fjallabyggðar.

Markaðs- og menningarnefnd hefur endurskoðað Menningarstefnu Fjallabyggðar sem byggist á útgáfu stefnunnar frá 2009. Markaðs- og menningarnefnd vísar endurskoðaðri menningarstefnu til bæjaráðs til umfjöllunar og samþykktar.

Lögð fram drög að endurskoðaðri Menningarstefnu Fjallabyggðar.

Einnig lögð fram bókun 69. fundar markaðs- og menningarnefndar þar sem nefndin vísar endurskoðaðri Menningarstefnu Fjallabyggðar til umfjöllunar og samþykktar í bæjarráði.

Bæjarráð samþykkir drögin og vísar þeim til staðfestingar í bæjarstjórn.