Markaðs- og menningarnefnd Fjallabyggðar

Forstöðumaður Bóka- og héraðsskjalasafns Fjallabyggðar, Hrönn Hafþórsdóttir, sat undir þessum lið.

Forstöðumaður kynnti ársskýrslu fyrir Bókasafn, Héraðsskjalasafn og Upplýsingamiðstöð Fjallabyggðar.

Útlán bókasafnsins á árinu voru 9052 samtals (S 5.378/Ó 3.674) sem er tæplega 10% minnkun frá árinu 2016. Gestakomur á bóka- og héraðsskjalasafnið voru 11.286 (S 7.756/Ó 3.530). Fjöldi gesta sem sækja bókasafnið hefur ríflega tvöfaldast frá árinu 2013.

Alls komu 4.240 ferðamenn í Upplýsingamiðstöðvar Fjallabyggðar á árinu 2017. Þar af komu 3.805 ferðamenn á Upplýsingamiðstöðina á Siglufirði og er það ríflega 73% aukning frá árinu 2016. 435 ferðamenn komu á Upplýsingamiðstöðina í Ólafsfirði og er það ríflega 39% aukning frá árinu 2016. Sjá má að ferðamannastraumur til Fjallabyggðar hefur samkvæmt þessu aukist gífurlega.

Markaðs- og menningarnefnd þakkar forstöðumanni fyrir kynningu og vel unna skýrslu.

Forstöðumaður Bóka- og héraðsskjálasafns Fjallabyggðar, Hrönn Hafþórsdóttir, sat undir þessum lið.

Forstöðumaður kynnti starfsáætlun 2018 fyrir Bókasafn og Héraðsskjalasafn Fjallabyggðar.

Markaðs- og menningarnefnd þakkar forstöðumanni vel unna áætlun.

Fundargerð síðasta fundar afmælisnefndar fyrir 100 ára kaupstaðarafmæli Siglufjarðar lögð fram til kynningar.

Linda Lea Bogadóttir markaðs- og menningarfulltrúi fór yfir stöðu undirbúnings fyrir Norrænu strandmenningarhátíðina sem haldin verður á Siglufirði 4.-8.júlí nk. Undirbúningi miðar vel.

Stýrihópur hátíðarinnar fundar á 1-2.vikna fresti.

Drög að Ferðastefnu Fjallabyggðar var samin árið 2014 en þeirri vinnu var aldrei lokið. Markaðs- og menningarnefnd leggur til að stefnan verði tekin upp og endurskoðuð með það í huga að gefa hana út á árinu 2018. Stofnaður verði vinnuhópur með fulltrúa nefndarinnar, markaðs- og menningarfulltrúa og þremur aðilum sem koma að þjónustu við ferðamenn.

Árið 2016 var stofnaður stýrihópur af þáverandi Markaðs- og menningarnefnd sem vann fyrstu drög að endurnýjaðri menningarstefnu. Mikilvægt er að halda þessari vinnu áfram. Markaðs- og menningarnefnd leggur til að settur verði saman vinnuhópur sem klárar þessa vinnu með það fyrir augum að gefa út nýja Menningarstefnu Fjallabyggðar á árinu 2018. Í vinnuhópnum ætti fulltrúi Markaðs- og menningarnefndar sæti, markaðs- og menningarfulltrúi og þrír fulltrúar sem koma að menningarmálum í Fjallabyggð.