Markaðs- og menningarnefnd Fjallabyggðar

Nýtt erindisbréf fyrir nefndina lagt fram til kynningar.

Farið yfir tilnefningar til bæjarlistamanns. Markaðs- og menningarnefnd samþykkir að tilnefna Arnfinnu Björnsdóttur sem Bæjarlistamann Fjallabyggðar 2017. Útnefning fer fram í Menningarhúsinu Tjarnarborg miðvikudaginn 25. janúar nk.

Linda Lea Bogadóttir markaðs- og menningarfulltrúi gerði grein fyrir vinnu við endurskoðun á menningarstefnu sveitarfélagsins.
Afgreiðslu frestað til næsta fundar.

Linda Lea gerði grein fyrir verkefninu, sem ber nú vinnuheitið Arctic Coastline Route, og gengur út á að virkja sveitarfélögin og ferðaþjónustuaðila á svæðinu og sýna að Norðurland er aðgengilegt og freistandi valkostur fyrir ferðamenn allt árið. Fyrirmyndin að verkefninu er m.a. frá Noregi, Írlandi og Danmörku.

Uppbyggingarsjóður Norðurlands eystra auglýsir eftir umsóknum fyrir árið 2017. Hlutverk sjóðsins er að styrkja menningar-, atvinnuþróunar-og nýsköpunarverkefni, auk þess veitir sjóðurinn stofn- og rekstrarstyrki til menningarmála. Umsóknarfrestur er til og með 15. febrúar.
Starfsmaður sjóðsins verður með viðtalstíma í Fjallabyggð 23. janúar og veitir ráðgjöf við gerð umsókna.
Nefndin felur markaðs- og menningarfulltrúa að skoða með umsóknir frá Fjallabyggð í sjóðinn.

Á síðasta ári fór af stað vinna við gerð bæklings um áhugaverða staði til fuglaskoðunar við Eyjafjörð. Sveitarfélögin á svæðinu standa fyrir þessari útgáfu en áður hafa verið gefnir út bæklingar bæði vestan- og austamegin við Eyjafjörð. Vinna með bæklinginn er nú á lokastigi og með útkomu hans er búið að kortaleggja fuglaskoðunarstaði frá Borðeyri í vestri og til Vopnafjarðar í austri.

Fyrirhugað er að efna til ráðstefnu um ferðaþjónustu í Fjallabyggð á vormánuðum. Markaðs- og menningarfulltrúa falið að leggja drög að dagskrá ásamt tillögu að framsöguerindum fyrir næsta fund nefndarinnar.

Lagt fram rekstraryfirlit fyrir tímabilið janúar - nóvember 2016. Menningarmál: Rauntölur, 80.543.573 kr. Áætlun, 82.743.057 kr. Mismunur; 2.199.484 kr.
Markaðs- og ferðamál: Rauntölur, 6.659.481 kr. Áætlun 9.379.670 kr. Mismunur; 2.720.189 kr.