Arctic Circle Route

Linda Lea gerði grein fyrir verkefninu, sem ber nú vinnuheitið Arctic Coastline Route, og gengur út á að virkja sveitarfélögin og ferðaþjónustuaðila á svæðinu og sýna að Norðurland er aðgengilegt og freistandi valkostur fyrir ferðamenn allt árið. Fyrirmyndin að verkefninu er m.a. frá Noregi, Írlandi og Danmörku.

Lögð fram til kynningar áfangaskýrsla um verkefnið Norðurstrandarleiðin eða Arctic Coast Way.

Lögð fram til kynningar þriðja áfangaskýrsla um verkefnið Norðurstrandarleiðin, eða Arctic Coast Way.

Markaðs- og menningarfulltrúi kynnti Norðurstrandarveginn eða Arctic Cost Way sem er fyrirhugaður ferðamannavegur um strandir Norðurlands. Norðurstrandarleið er spennandi nýtt verkefni í ferðaþjónustu, á vegum Markaðsstofu Norðurlands, sem á að skapa nýtt aðdráttarafl á Norðurlandi og kynna landshlutann sem einstakan áfangastað. Markmiðið er að skapa betri tækifæri fyrir ferðaþjónustufyrirtæki til að selja vörur og þjónustu undir vörumerki Norðurstrandarleiðar og vera í leiðinni sýnilegri á innlendum og erlendum markaði.

Lagt fram til kynningar þátttökuskilyrði fyrir Artic Coast way / Norðurstrandarleið frá stýrihóp um verkefnið.

Bæjarráð óskar eftir að markaðs- og menningarfulltrúi komi á næsta fund og kynni verkefnið fyrir nýju bæjarráði.

Á fund bæjarráðs kom Linda Lea Bogadóttir markaðs- og menningarfulltúi og kynnti verkefnið Artic Coast Way.

Bæjarráð þakkar Lindu Leu greinagóða kynningu.

Hægt er að kynna sér verkefnið á þessari slóð:
https://www.northiceland.is/is/markadsstofan/acw

Arctic Coast Way eða Norðurstrandarleið verður opnuð 8. júní nk. á degi hafsins sem haldinn er hátíðlegur um allan heim. Markaðsstofa Norðurlands hvetur þau sveitarfélög sem liggja að Norðurstrandarleið til að halda upp á daginn með einhverjum sérstökum viðburði. Markaðs- og menningarfulltrúa falið að koma með tillögu að viðburði fyrir daginn á næsta fund nefndarinnar.

Markaðs- og menningarfulltrúi kynnti fundarmönnum dagskrá og viðburði sem verða í Fjallabyggð í tilefni að degi hafsins og opnun Norðurstrandarleiðar þann 8. júní nk. Athygli er vakin á strandhreinsun í Fjallabyggð þennan dag.