Bæjarráð Fjallabyggðar

Lagt fram yfirlit staðgreiðslu útsvars frá 1. janúar til 31. júlí 2018.
Innborganir nema 619.014.994 kr. sem er 103,63% af tímabilsáætlun, sem gerði ráð fyrir 597.327.787 kr.

Lagt fram bréf bæjarstjóra til Isavia vegna framkvæmda við flugvöll á Siglufirði.

Bæjarráð samþykkir framlagt bréf.

Lagður fram skammtíma samningur milli Fjallabyggðar og Inkasso ehf varðandi kröfuinnheimtu fyrir Fjallabyggð til áramóta þar til verðkönnun hefur farið fram.

Bæjarráð samþykkir framlagðan samning og felur bæjarstjóra undirritun samningsins.

Ríkey Sigurbjörnsdóttir deildarstjóri fræðslu-, frístunda og menningarmála sat undir þessum lið.

Lögð fram til kynningar lokaskýrsla Trilludaga frá markaðs og menningarfulltrúa og deildarstjóra fræðslu-, frístunda og menningarmála.

Áætlað er að þátttakendur á hátíðinni hafi verið um 1300 og fór hátíðarhald vel fram.

Bæjarráð þakkar þeim aðilum sem lögðu á sig mikið og óeigingjarnt starf til að gera Trilludaga að veruleika.

Bæjarstjóri fór yfir framkvæmdayfirlit og útgönguspá 2018 fyrir framkvæmdir í Fjallabyggð sem eru á áætlun.

Útkomuspáin gerir ráð fyrir að framkvæmdir verði innan marka fjárhagsáætlunar.

Á fundi bæjarráðs þann 23. júlí sl. var lagt fram erindi dagsett 13. júlí 2018 frá stjórn Sigurvins - áhugamannafélagi um minningu Gústa guðsmanns á Siglufirði.
Þar sem óskað var eftir að bæjarfélagið skipuleggi og kosti umhverfi styttunnar t.d. með gangstéttarhellum og bekkum, svo og að hanna og steypa undirstöður styttunnar.

Erindinu var vísað til deildarstjóra tæknideildar til umsagnar. Sú umsögn liggur fyrir en deildarstjóri áætlar kostnað um 2,5 til 3 milljónir króna.

Bæjarráð samþykkir að boða forsvarsmenn stjórnar Sigurvins til næsta fundar bæjarráðs.

Lagt fram erindi frá Maskínu rannsóknir fyrir hönd Velferðarvaktarinnar varðandi kostnaðarþátttöku grunnskólanema varðandi skólagögn.

Deildarstjóri fræðslu- frístunda- og menningarmála hefur svarað könnuninni.

Grunnskóli Fjallabyggðar afhendir nemendum ritfangapakka að gjöf frá bæjarfélaginu við skólabyrjun haustið 2018. Ritfangapakkinn er eftir þörfum hvers árgangs. Það sem ekki er í ritfangapakkanum þurfa foreldrar að útvega. Sjálfsagt er að nota það sem til er frá fyrri árum. Nemendur þurfa t.d. að útvega tímaritabox, möppur og vasareikna.

Lagt fram minnisblað bæjarstjóra vegna verðkönnunar í verkið „þökulagning á miðsvæði í Ólafsfirði“ þriðjudaginn 7. ágúst.

Eftirtöldum aðilum var gefinn kostur í að bjóða í verkið.

Magnús Þorgeirsson kr. 3.258.000.- m.vsk.
Smári ehf kr. 3.840.000.- m.vsk.

Bæjarráð samþykkir að taka tilboði lægstbjóðanda.

Á fundi bæjarráðs þann 23. júlí sl. var óskað eftir umsögn deildarstjóra tæknideildar vegna erindis frá Guðrún Sölvadóttur varðandi endurbætur á brú yfir Skútuá Siglufirði, kaldavatnsleiðslu og sorphirðu.

Bæjarráð samþykkir að vísa endurbótum á brú yfir Skútuá og kaldavatnsleiðslu til gerðar fjárhagsáætlunar 2019 og felur deildarstjóra tæknideildar að setja grenndargáma niður sem fyrst í báðum bæjarhlutum við frístundabyggðir.

Á fundi bæjarráðs þann 23. júlí sl. var erindi frá formanni Starfsmannafélags Fjallabyggðar, Guðbirni Arngrímssyni, frestað þar sem óskað var eftir því að sveitarfélagið endurskoði afstöðu sína til greiðslu fæðispeninga starfsmanna í íþróttamiðstöð á Ólafsfirði.

Bæjarráð samþykkir að greiða starfsmönnum leiðréttingu frá fyrri útreikningi eða frá 01.09.2013 til 31.12.2013 sem færist af lið 21600-1110 og 21600-1890.

Á fund bæjarráðs kom Björgvin Björgvinsson fyrir hönd Viking Heliskiing vegna erindis þeirra sem tekið var fyrir á fundi bæjarráðs þann 23.júlí sl. þar sem óskað var eftir lendingu gegnt Síldarminjasafninu.

Björgvin upplýsti bæjarráð um að búið sé að semja við eigendur Golfsskálans á Siglufirði vegna aðstöðu fyrir skíðamenn og þyrlur.

Bæjarráð fagnar því að niðurstaða sé komið í málið og óskar Viking Heliskiing góðs gengis.

Lagt fram bréf frá formanni UÍF þar sem óskað er eftir að viðræðum við Fjallabyggð varðandi fráveitulagnir að Hóli en stjórn UFÍ hefur í hyggju að ráðst í framkvæmdir á fráveitu Hóls.

Bæjarráð óskar eftir umsögn deildarstjóra tæknideildar.

Lagt fram til kynningar bréf frá Ofanflóðasjóði vegna Hólavegs 18, þar sem Ofanflóðanefnd samþykkir að fram fari athugun á því hvort framgreindar skemmdir stafi af framkvæmdum við varnir.

Bæjarráð felur deildarstjóra stjórnsýslu og fjármála að senda bréf Ofanflóðasjóðs til húseigenda.

Lagt fram til kynningar tölvupóstur frá Verkval ehf vegna óskar um að taka þátt í útboði vegna holræsahreinsunar og myndun á holræsalögnum hjá Fjallabyggð.

Bæjarráð vísað erindinu til framkvæmdaáætlunar 2019. Leitað verður eftir tilboðum næsta vor.

Lagt fram til kynningar erindi frá Umhverfis- og auðlindaráðherra vegna fundar þar sem kynnt verða drög að frumvarpi um nýja stofnun sem ætlað er að hafa með höndum umsýslu allra þjóðgarða á Íslandi og annarra friðlýstra svæða auk almennrar náttúruverndar.

Fundur næst Fjallabyggð verður þann 23. ágúst á Hótel Kea, Akureyri kl. 15.30 - 17.00.

Tekið fyrir bréf frá TW ehf vegna uppsagnar á verksamningi á ræstingu á Leikhólum Ólafsfirði.

Bæjarráð felur deildarstjóra fræðslu-, frístunda og markaðsmála og deildarstjóra tæknideildar að bjóða út ræstingu á Leikhólum.

Lagt fram til kynningar þátttökuskilyrði fyrir Artic Coast way / Norðurstrandarleið frá stýrihóp um verkefnið.

Bæjarráð óskar eftir að markaðs- og menningarfulltrúi komi á næsta fund og kynni verkefnið fyrir nýju bæjarráði.

Lagt fram til kynningar drög að reglum um úthlutun styrkja og framlaga sem veitt eru á grundvelli stefnumótandi byggðaáætlunar.

Lagt fram til kynningar grein eftir Sigurjón Njarðarson sem birtist í Bændablaðinu 19. júlí sl. Greinin fjallar um nokkur lagaleg atriði er snerta á lausagögnu búfjár, fjallskil o.fl.

Bæjarráð óskar eftir að greinin verði send á Fjallskilanefnd Fjallabyggðar.