Markaðs- og menningarnefnd Fjallabyggðar

Á fundinn mætti Hrönn Hafþórsdóttir forstöðukona og fór yfir málefni bóka- og héraðsskjalasafnsins auk upplýsingamiðstöðvar.

Hvað varðar upplýsingamiðstöðina þá þarf í ljósi gífurlegrar aukningar ferðamanna til Fjallabyggðar að endurskoða opnunartíma. Huga þarf betur að samnýtingu á búnaði, aðstöðu og starfsfólki upplýsingamiðstöðvar og bókasafns.

Er varðar bókasafnið í Ólafsfirði þarf að taka til skoðunar skiptingu fjármagns til bókasafnsins og annarar starfsemi sem fer fram í húsinu, s.s. fundir og þjónusta sem starfsmaður safnsins er að veita fyrir hönd stjórnsýslunnar.

Töluverð aukin umsvif eru á Héraðsskjalasafninu þar sem sífellt fleiri eru að færa safninu einkaskjalasöfn og er lítið pláss eftir til að taka við fleiri skjölum. Mjög brýnt er að fara huga að varanlegri lausn í því sambandi.

Markaðs- og menningarnefnd leggur til að fjármagn til starfsemi bóka- og héraðsskjalasafns auk upplýsingamiðstöðvar verði aukið svo hægt sé að halda úti lögbundinni þjónustu.

Upplýsingaskilti sem er við innkomu á Siglufjörð að norðanverðu er í eigu þriðja aðila. Fyrir liggur beiðni um endurnýjun á samningi.
Lagt fram minnisblað markaðs- og menningarfulltrúa.

Markaðs- og menningarnefnd leggur til að samningurinn verði ekki endurnýjaður og telur eðiliegt að upplýsingaskilti og götukort séu í eigu sveitarfélagsins.

Lagt fram uppgjör frá Berjadögum 2016.
Einnig var lagt var fram minnisblað markaðs- og menningarfulltrúa varðandi Trilludaga um að þeir verði haldnir aftur á árinu 2017. Nefndin leggur til að haldinn verði fundur með öllum þeim sem komu að Trilludögum 2016 og línur lagðar fyrir næsta ár.

Umræða um væntanleg hátíðarhöld og árlega viðburði tengda jólum og áramótum.
Nefndin samþykkir að kveikt verði á jólatrjám sem hér segir;
í Ólafsfirði laugardaginn 26. nóvember og á Siglufirði sunnudaginn 27. nóvember.

Linda Lea Bogadóttir markaðs- og menningarfulltrúi gerði grein fyrir vinnu við endurskoðun á Menningarstefnu Fjallabyggðar.

Lagðar fram greinargerðir frá umsjónarmanni Tjarnarborgar.
Markaðs- og menningarnefnd þakkar Snjólaug Ástu Sigurfinnsdóttur fyrir upplýsingarnar.

Lagðar fram tillögur að gjaldskrárhækkunum fyrir árið 2017 vegna eftirtalinna stofnana; Menningarhúsið Tjarnarborg, Bóka- og héraðsskjalasafn Fjallabyggðar og tjaldsvæði.
Markaðs- og menningarnefnd samþykkir fyrir sitt leyti hækkanir á gjaldskrám fyrir Tjarnarborg og tjaldsvæði en leggst gegn því að gjald á bókasafnsskírteinum verði hækkað.

Lagt fram rekstraryfirlit fyrir tímabilið janúar - ágúst 2016. Menningarmál: Rauntölur, 56.849.377 kr. Áætlun, 57.677.515. kr. Mismunur; 828.138 kr. Markaðs- og ferðamál: Rauntölur, 2.875.748 kr. Áætlun 7.491.536 kr. Mismunur; 4.615.788 kr.