Skipulags- og umhverfisnefnd Fjallabyggðar

Tillaga að breytingu á Aðalskipulagi Fjallabyggðar 2008-2028 á malarvellinum var auglýst með athugasemdafrest frá 1. júní til 1. ágúst 2018. Engar athugasemdir bárust en umsagnir bárust frá Minjastofnun dagsett 11. júní 2018 og Umhverfisstofnun dagsett 25. júlí 2018 og gera þær engar athugasemdir við tillöguna.

Tillaga að deiliskipulagi malarvallarins var auglýst með athugasemdafresti frá 1. júní til 1. ágúst 2018. Engar athugasemdir bárust á auglýsingatímanum en umsagnir bárust frá Minjastofnun dagsett 11. júní 2018 og Umhverfisstofnun og Vegagerðinni dagsettar 25. júlí 2018. Umhverfisstofnun og Minjastofnun gera engar athugasemdir við tillöguna en Vegagerðin gerir bendir á nokkur atriði sem taka þarf tillit til.

Lögð fram umsókn dagsett 13. ágúst 2018 þar sem Ragnheiður Sverrisdóttir f.h. Gbess ehf. sækir að nýju um byggingarleyfi fyrir atvinnuhúsnæði við Gránugötu 12 á Siglufirði. Húsið hefur verið minnkað til norðurs, lækkað og íbúðum fækkað úr átta í fimm. Einnig er gert ráð fyrir bílastæðum á teikningu og búið að gera skuggavarp með tillit til nærliggjandi húsa.

Á 227. fundi skipulags- og umhverfisnefndar var tæknideild falið að grenndarkynna staðsetningu ærlsabelgs á Blöndalslóðinni við Lækjargötu á Siglufirði. Aðliggjandi lóðarhöfum var kynnt staðsetningin og gefin kostur á gera athugasemdir eða koma á framfæri ábendingum til 1. ágúst 2018. Engar athugasemdir eða ábendingar bárust.

Lagt fram erindi sumarhúsaeiganda í Ósbrekku í Ólafsfirði þar sem óskað er eftir því að gamlar undirstöður gervihnattadisks verði fjarlægðar .

Á 228. fundi skipulags- og umhverfisnefndar var tæknideild falið að skoða möguleika á staðsetningu reykkofa í sveitarfélaginu. Lagt fram til kynningar minnisblað deildarstjóra tæknideildar.

Lagt fram erindi Harðar Jónssonar framkvæmdastjóra pósthúsasviðs Íslandspóst, dagsett 9. júlí 2018. Starfsmaður flutningabíls Íslandspóst á erfitt með að athafna sig fyrir framan Aðalgötu 34. Óskað er eftir lausn á málinu sem fyrst.

Lögð fram umsókn dagsett 11. júlí 2018 þar sem Ólafur Á. Ólafsson sækir um lóðina Skútustíg 9 á Siglufirði.

Lagt fram erindi dagsett 13. júlí 2018 þar sem Helena Hansdóttir Aspelund óskar eftir stöðuleyfi fyrir 20 feta geymslugám á lóð sinni Kirkjuvegi 19, Ólafsfirði.

Lagt fram erindi dagsett 24. júlí 2018 þar sem Róbert Guðfinnsson f.h. Ýmis fasteignafélags skilar inn lóðum sem félagið hefur fengið úthlutað við Eyrarflöt 7-9, 11-13 og 14-20.

Lögð fram tillaga Gunnlaugar Helgu Ásgeirsdóttur dagsett 4. ágúst 2018, þess efnis að sorptunnur í miðbæ Fjallabyggðar verði flokkunartunnur. Einnig að sett verði tunna fyrir flöskur og dósir við tjaldsvæðið á Ólafsfirði.

Lagt fram erindi Katrínar Sifjar Andersen þar sem sótt er um leyfi fyrir ruslatunnum fyrir utan Aðalgötu 32, við Lækjargötu.

Lögð fram til kynningar ábending íbúa sem barst í gegnum ábendingahnapp heimasíðu Fjallabyggðar þann 5. júlí 2018. Óskað er eftir því að hreinsað verði til við höfnina í Ólafsfirði og svæðið gert meira aðlaðandi.

Lögð fram ábending íbúa sem barst í gegnum ábendingahnapp heimasíðu Fjallabyggðar þann 12. ágúst 2018. Óskað er eftir því að settur verði upp spegill á horni Ólafsvegar og Aðalgötu að vestan (við brú). Blint er fyrir runnum sem standa við gangstétt þegar ekið er frá Ólafsvegi inn á Aðalgötu og þarf að keyra langt inn á götu til að sjá umferð austan frá.

Lagt fram til kynningar erindi Örlygs Kristfinnssonar um nokkur söguleg og jarðfræðileg atriði sem snerta lúpínu í Siglufirði og Héðinsfirði. Einnig lagt fram erindi Marínar Gústafsdóttur sem lýsir yfir áhyggjum af útbreiðslu lúpínu í Skútudal.

Lagt fram til kynningar upplýsingar frá Umhverfisstofnun um auglýsingar meðfram vegum og annars staðar utan þéttbýlis.