Styrkur Samfélags- og menningarsjóðs til kaupa á ærslabelg

Stýrihópur um heilsueflandi samfélag fékk styrk úr Samfélags- og menningarsjóði Siglufjarðar til kaupa á ærslabelg sem staðsettur yrði í miðbæ Siglufjarðar. Styrkurinn nemur 1.750.000 kr. sem er kostnaðarverð við kaup á miðstærð. Áætlaður kostnaður við niðursetningu og frágang er um 500.000 kr. sem færður verður af liðnum " Ýmís smáverk á framkvæmdaráætlun" við fjárhagsáætlun 2018.

Bæjarráð fagnar því að styrkur hafi verið veittur til verkefnisins og óskar eftir umsögn deildarstjóra tæknideildar vegna mögulegrar staðsetningar.

Á síðasti fundi bæjarráðs var lagt fram erindi vegna umsóknar stýrihóps um heilsueflandi samfélag í Samfélags- og menningarsjóð Siglufjarðar.
Þar fékk stýrihópurinn styrk til kaupa á ærslabelg sem staðsettur yrði í miðbæ Siglufjarðar. Óskað var eftir umsögn deildarstjóra tæknideildar vegna mögulegrar staðsetningar.

Deildarstjóri tæknideildar leggur fram 5 tillögur að staðsetningu.

Bæjarráð samþykkir að vísa til skipulags- og umhverfisnefndar að grenndarkynna staðsetningu ærlsabelgsins á Blöndalslóðinni við Lækjargötu.

Tæknideild falið að grenndarkynna aðliggjandi lóðarhöfum.

Nefndin samþykkir að staðsetja ærslabelginn á Blöndalslóðinni.