Hafnarstjórn Fjallabyggðar

Hafnarstjóri lagði fram og fór yfir tölur um landaðan afla með samanburði við fyrra ár.

Lögð fram samantekt frá yfirhafnarverði.

Unnið er að uppsetningu á nýjum vefmyndavélum við Fjallabyggðarhafnir.

Fairytale At Sea sækir um stöðuleyfi fyrir 40 feta gám sem staðsettur verður við hliðina á núverandi aðstöðugám þeirra á norðurgarði í Ólafsfjarðarhöfn.

Á 830. fundi sínum, 17. maí, vísaði bæjarráð því til fastanefnda að ræða hugmyndir að verkefnum, framkvæmdum, áherslum, forgangsröðun og stefnu þeirra málaflokka sem undir þær heyra í tengslum vð vinnu við fjárhagsáætlun 2025 og þriggja ára áætlunar, 2026-2028.

Lagðar fram niðurstöður starfshóps um móttöku skemmtiferðaskipa til Fjallabyggðar.

Fundargerðir 462. og 463. fundar stjórnar Hafnasambands Íslands lagðar fram til kynningar.

Lögð fram fundargerð aðalfundar Cruise Iceland 2024. Anita Elefsen sótti fundinn fyrir hönd Fjallabyggðarhafna.

Aðalfundur og ráðstefna Cruise Europe 2024 fór fram dagana 14-15 maí síðastliðinn. Anita Elefsen sótti fundinn og ráðstefnuna.

Lagt fram erindi Baldvins og Jakobs Kárasona, f.h. Ýldu ehf. þar sem óskað er eftir lóð undir ca. 70 fm. byggingu við syðri smábátahöfnina eins og meðfylgjandi teikningar sýna. Húsnæðinu er ætlað að hýsa það sem tilheyrir trilluútgerð þeirra ásamt fleiru. Í erindinu segir jafnframt að með bættri aðstöðu fyrir smábáta á syðra hafnarsvæðinu sé nauðsynlegt að Fjallabyggð bjóði lóðir til úthlutunar í námunda við hafnarsvæðið. Erindið var tekið fyrir hjá skipulags- og umhverfisnefnd og bókaði nefndin eftirfarandi:
Nefndin tekur undir með umsækjendum að stórbætt aðstaða fyrir smábáta í innri höfn geti kallað á endurskoðun á lóðaframboði í nágrenni hafnarinnar. Á núgildandi deiliskipulagi eru þó engar lausar lóðir sem stendur og er því erindinu hafnað. Vísað til kynningar í hafnarstjórn.

Ársreikningur Hafnasambands Íslands 2023 lagður fram til kynningar.