Fjallabyggðarhafnir önnur mál 2024

Hafnarstjórn samþykkir fyrir sitt leyti að settur verði dýfingarpallur/stökkpallur við bryggjuna í Ólafsfirði en ítrekar að fyllsta öryggis verði gætt við notkun þeirra. Staðsetning verði í samráði við yfirhafnarvörð.

Yfirhafnarverði falið að taka saman lista yfir helstu verkefni sumarsins hvað varðar framkvæmdir og viðhald.

Hafnarstjórn samþykkir að yfirhafnarvörður taki að sér verkefni hafnsögumanns við Fjallabyggðarhafnir þegar þess er óskað.

Hafnarstjórn fór yfir tilboð í sláarhlið og aðgangsstýringu að hafnarsvæðinu á Siglufirði. Samhliða var skoðað með möguleika á vigtunaraðstöðu við fiskmarkaðinn. Hafnarstjórn felur deildarstjóra tæknideildar og yfirhafnarverði að vinna bæði mál áfram og leggja fyrir næsta fund hafnarstjórnar.