Hafnarstjórn Fjallabyggðar

Hafnarstjóri lagði fram og fór yfir tölur um landaðan afla með samanburði við fyrra ár.
Á Siglufirði höfðu þann 19. nóvember 2024, 10.604 tonn borist á land í 1225 löndunum, samtímatölur fyrra árs eru 13.701 tonn í 1.128 löndunum.
Á Ólafsfirði höfðu 133,7 tonn borist á land í 116 löndunum þann 19. nóvember 2024, samtímatölur fyrra árs eru 134,7 tonn í 122 löndunum.
Þá hefur frosinni rækju verið landað samtals 2.810 tonn árið 2024 í 6 löndunum. Til samanburðar var frosinni rækju samtals 1.396 tonnum landað í 3 löndunum árið 2023. Rækjan er ekki inni í löndunartölum.

Lögð fram samantekt frá yfirhafnarverði.

Með fundarboði Hafnarstjórnar fylgdi uppsagnarbréf yfirhafnarvarðar. Síðasti starfsdagur hans mun verða 31. janúar 2025.

Með fundarboði Hafnarstjórnar fylgdi tillaga að gjaldskrá Hafnarsjóðs fyrir 2025. Tillagan felur í sér 6% hækkun að jafnaði á þjónustugjöldum Hafnarsjóðs.

Með fundarboði Hafnarstjórnar fylgdi tillaga að rammáætlun fjárhagsáætlunar Hafnarsjóðs Fjallabyggðar, mfl. 41 fyrir árið 2025.

Fundargerðir Hafnasambands Íslands lagðar fram til kynningar.

Fundargerðir Samtaka sjávarútvegssveitarfélaga lagðar fram til kynningar.

Með fundarboði Hafnarstjórnar fylgdi tilboð ásamt teikningum frá Stólpa Gámum af einangruðu 20 fm húsi. Þar auki voru lagðar fram tillögur starfsmanna Fjallabyggðarhafna að nauðsynlegum fjárfestingum og viðhaldsverkefnum.

Með fundarboði fylgdi vefslóð inn á úttekt og greiningu á fjárhagsstöðu íslenskra hafna, sem kynnt var á nýafstöðnu hafnasambandsþingi;
https://hafnasamband.is/skyrslur/fjarhagsstada-islenskra-hafna-2023/
En þar er að finna gagnlegar upplýsingar og tölulegar upplýsingar varðandi þær hafnir sem eiga aðild að Hafnasambandi Íslands.

Fréttabréf Siglingaverndar lagt fram til kynningar.

Tekið fyrir erindi AECO frá 6. september þar sem farið er yfir möguleg áhrif af afnámi tollfrelsis fyrir skemmtiferðaskip frá og með 1. janúar 2025. Afleiðing gæti orðið að margar hafnir missi fjölda skipakoma.

Lögð fram til kynningar bókun Samtaka sjávarútvegssveitarfélaga sem samþykkt var á stjórnarfundi 22. október 2024 og varðar áhyggjur af áhrifum mögulegs loðnubrests á íslenskt efnahagslíf auk mikilla áhrifa hjá íbúum og fyrirtækjum í sveitarfélögum þar sem uppsjávarvinnsla er ein af meginstoðum atvinnulífsins.

Farið var yfir stöðu framkvæmda við Innri höfn á Siglufirði.