Bæjarráð Fjallabyggðar

Lagt er fram erindi Ingibjargar Guðlaugar Jónsdóttur forseta bæjarstjórnar dags. 16. ágúst, í erindinu tilkynnir Ingibjörg um ótímabundið leyfi vegna persónulegrar ástæðna, einnig tilkynnir Ingibjörg að Hólmar Hákon Óðinsson, Sóley Anna Pálsdóttir og Rodrigo J. Thomas hafi beðist undan því að taka sæti í bæjarstjórn vegna mikilla anna. Næst á lista er Guðrún Linda Rafnsdóttir Norðfjörð sem tekur sæti aðalmanns í bæjarstjórn.

Lagt er fram minnisblað Eflu dags. 19. mars 2021, efni minnisblaðsins er að leggja mat á vinnuskjal deildarstjóra fræðslu-, frístunda- og menningarmála sem tekið var saman í samvinnu starfsfólks sveitarfélagsins sem að málaflokknum kemur með það að markmiði að meta kostnað við gerð gervigrasvallar og rekstur hans ásamt og að meta kostnað við úrbætur á núverandi velli miðað við að völlurinn standist allar kröfur sem gerðar eru til grasvalla. Niðurstaða ráðgjafa er að áðurnefnt vinnuskjal gefi góða mynd af málinu og að áætla megi stofnkostnað nýs gervigrasvallar nálægt 300 m.kr. og rekstrakostnað á ári nálægt 36 m.kr. m.v. að skipt sé um gervigras á 10 ára fresti. áætlaður kostnaður við endurnýjun núverandi grasvallar er áætlaður 55 m.kr. og rekstrarkostnaður 8 m.kr. Kostnaðartölur varðandi gervigrasvöll eru fengnar úr reynslutölum ráðgjafa og frá KSÍ. Ofangreind gögn og annað sem að málinu snýr hefur verið kynnt fyrir forsvarsfólki Knattspyrnufélags Fjallabyggðar með það að markmiði að halda félaginu upplýstu og gefa færi á athugasemdum.

Lögð fram drög að uppfærðri jafnlaunastefnu Fjallabyggðar.

Lagt fram til kynningar yfirlit staðgreiðslu fyrir tímabilið janúar til ágúst 2021. Staðgreiðsla fyrir tímabilið nemur kr. 815.873.491 eða 102,67% af tímabilsáætlun.

Lagt fram yfirlit yfir greiðslur og skiptingu framlags til stjórnmálasamtaka frá árunum 2014 til 2020. Bæjarráð samþykkir að framlagi vegna 2021, kr. 360.000 verði úthlutað í samræmi við ákvæði 5. gr. laga nr. 162/2006 eftir kjörfylgi í kosningum 2018 og rúmast innan gildandi fjárhagsáætlunar 2021. Framlög færast á lið 21-81-9291 og koma til greiðslu í september 2021. Skipting framlags 2021:

Atkv. Fj.hlutf. Upphæð

H-listi fyrir heildina 371 30,73% kr. 110.628
D-listi Sjálfstæðisflokks 539 44,66% kr. 160.776
I-listi betri Fjallabyggð 297 24,61% kr. 88.596
Samtals 1207 100,0% kr. 360.000

Lagt er fram erindi Salvarar Nordal f.h. embættis umboðsmanns barna dags 17. ágúst 2021, í erindinu fer umboðsmaður þess á leit við sveitarfélagið tilnefni tengilið við embættið sem hafi það hlutverk að hafa milligöngu um þátttöku barna úr sveitarfélaginu á þinginu.

Meðfylgjandi er bréf frá Landssamtökum hjólreiðamanna í tilefni af samgönguviku sem er þann 16.-22. september.

Landssamtökin vilja hvetja sveitarfélagið til að taka þátt í samgönguviku. Mikilvægt er að huga að breyttum samgönguvenjum til að draga úr mengun og losun koltvísýrings og stuðla að betri lýðheilsu með almennri hreyfingu.

Lögð eru fram til kynningar drög að skilgreiningu opinberrar þjónustu og jöfnun aðgengis sem nú er til umsagnar í samráðsgátt stjórnvalda.

Lagt fram til kynningar innsent yfirlit um forgangsröðun sveitarfélagsins á verkefnum, um er að ræða uppfært yfirlit frá fyrra ári.

Lögð er fram til kynningar verkfundargerð fyrsta verkfundar verksins Siglufjörður fráveita 2021. Norðurgata - Vetrarbraut dags. 12. ágúst 2021.

Lögð er fram til kynningar fundargerð 76. fundar markaðs og menningarmálanefndar dags. 19. ágúst 2021.