Bæjarráð Fjallabyggðar

Bæjarráð þakkar deildarstjóra stjórnsýslu og fjármála fyrir samantektina. Ljóst er m.v. samantektina og fram komnar uppfærðar upplýsingar frá fyrstu umræðu bæjarstjórnar um fjárhagsáætlun 2024 að áætluð rekstrarniðurstaða ársins 2024 er orðin lakari, þ.e. áætluð rekstrarniðurstaða A- og B-hluta bæjarsjóðs lækkar sem nemur kr. 52 m.kr. og er þannig áætluð jákvæð um kr. 3,5 m.kr. Bæjarráð vekur athygli bæjarstjórnar á því að svigrúm til frávika á árinu 2024 er orðið mjög takmarkað og því mega frávik frá áætluninni í raun vera óveruleg.

Í ljósi umræðu um gjaldskrár sveitarfélaga í tengslum við kjarasamningagerð þá vekur bæjarráð athygli bæjarstjórnar á því að ekki er svigrúm til þess að halda hækkunum á gjaldskrám innan 2,5%. Bæjarráð leggur því til að bæjarstjórn haldi sig við þá tillögu sem samþykkt var við fyrstu umræðu fjárhagsáætlunar 2024. Bæjarráð telur engu að síður nauðsynlegt að sveitarfélögin móti sér heildstæða stefnu um gjaldskrárhækkanir í tengslum við kjarasamninga og verði tilbúin að leggja sitt lóð á vogarskálarnar við að tryggja samninga til lengri tíma.

Töluverð óvissa er í hagkerfinu nú um stundir og munu sveitarfélögin ekki fara varhluta af því. Því er mikilvægt að bregðast við áður til þess að hafa borð fyrir báru ef aðstæður þróast til verri vegar. Fjárhagur Fjallabyggðar er sterkur og því mikilvægt að tryggja að svo verði áfram. Bæjarráð beinir því til bæjarstjórnar að mikilvægt sé að hefja umræðu um hvernig best sé staðið að vinnu við skoðun á þjónustuframboði og rekstri samhliða endurskoðun á samþykktum sveitarfélagsins.

Bæjarráð samþykkir reglurnar fyrir sitt leyti og vísar þeim til staðfestingar í bæjarstjórn.

Fjallabyggð samþykkir að styrkja Flugklasann um sem nemur kr. 300 á hvern íbúa Fjallabyggðar.

Bæjarráð gerir ekki athugasemdir við umsóknina fyrir sitt leyti.

Bæjarráð felur bæjarstjóra að sækja um þátttöku í verkefninu fyrir hönd Fjallabyggðar.

Lagt fram til kynningar. Markaðs- og menningarfulltrúa falið að koma upplýsingum um Mannamót 2024 á fyrirtæki í Fjallabyggð sem og að auglýsa á heimasíðu sveitarfélagsins.
Bæjarráð hvetur fyrirtæki í ferðaþjónustu í Fjallabyggð til þess að skrá sig og vekja þannig athygli á starfsemi sinni.

Fundargerð 39. fundar Ungmennaráðs Fjallabyggðar lögð fram til kynningar.