Bæjarráð Fjallabyggðar

Siðareglur kjörinna fulltrúa í Fjallabyggð lagðar fram til kynningar.

Deildarstjóri fræðslu-, frístunda- og menningarmála óskar eftir viðauka við fjárhagsáætlun 2023 vegna endurnýjunar og uppsetningu nuddtækis og vaktbúnaðar í sundlaug á Siglufirði. Lagður er fram útfærður viðauki þar sem umræddur kostnaður færist á málaflokk 06510, bókhaldslykil 4960 og er mætt með lækkun á handbæru fé.

Í kjarasamningi Félags grunnskólakennara og Sambands íslenskra sveitarfélaga sem undirritaður var 10. mars 2022 er kveðið á um heimild til að gera breytingar á skipulagi vinnutíma og stytta vinnutíma sem nemur 13 mínútum á dag miðað við 40 stunda vinnuviku að jafnaði yfir árið. Samkomulag um útfærslu vinnutíma gildir fyrir skólaárið 2022 til 2023 eða frá 1. ágúst 2022 til 31. júlí 2023.

Lagt er fram vinnuskjal deildarstjóra stjórnsýslu og fjármála dags. 30. janúar 2023 er varðar beiðni um samþykki bæjarráðs fyrir afskriftum viðskiptakrafna að fjárhæð kr. 4.732.857. Ekki er talið að það þjóni hagsmunum sveitarfélagsins að leggja í frekari kostnað og vinnu við að innheimta umræddar kröfur. Einnig lagt fram minnisblað deildarstjóra stjórnsýslu og fjármála sem sýnir aldurgreiningu viðskiptakrafna, skipt niður á viðskiptareikninga.

Lagt fram dreifibréf SSNE þar sem sveitarfélögum er boðið að taka þátt í Grænum skrefum SSNE. Tilgangur verkefnisins er að efla umhverfisstarf á svæðinu og styðja sveitarfélögin við að uppfylla lögbundnar skyldur í loftslagsmálum.

Lagt fram erindi Sambands íslenskra sveitarfélaga þar sem boðað er til XXXVIII. landsþings sambandsins sem haldið verður þann 31. mars nk.

Lagt er fram dreifibréf þar sem upplýst er um að Samband íslenskra sveitarfélaga og Mannvit standi að fræðsluviðburði og pallborðsumræðu á Grand hótel, föstudaginn 3. febrúar frá kl. 8:30 til 10:00. Fjallað verður um loftslagsbreytingar á Íslandi; áhrif á sveitarfélög, fyrirtæki, íbúa og innviði í landinu.

Lagðar fram til kynningar fundargerðir 134. fundar Hafnarstjórnar Fjallabyggðar og 35. fundar Ungmennaráðs Fjallabyggðar.