Afskriftir viðskiptakrafna 2022

Lagt er fram vinnuskjal deildarstjóra stjórnsýslu og fjármála dags. 30. janúar 2023 er varðar beiðni um samþykki bæjarráðs fyrir afskriftum viðskiptakrafna að fjárhæð kr. 4.732.857. Ekki er talið að það þjóni hagsmunum sveitarfélagsins að leggja í frekari kostnað og vinnu við að innheimta umræddar kröfur. Einnig lagt fram minnisblað deildarstjóra stjórnsýslu og fjármála sem sýnir aldurgreiningu viðskiptakrafna, skipt niður á viðskiptareikninga.

Á 777. fundi bæjarráðs var lagt fram vinnuskjal deildarstjóra stjórnsýslu og fjármála er varðar beiðni um samþykki bæjarráðs fyrir afskriftum viðskiptakrafna. Bæjarráð gerði ekki athugasemdir við tillögu deildarstjóra stjórnsýslu- og fjármála og vísaði málinu til afgreiðslu í bæjarstjórn.
Lagt er fram uppfært minnisblað þar sem leitað er samþykkis bæjarstjórnar til þess að afskrifa viðskiptakröfur að fjárhæð kr. 4.705.957. Ekki er talið að það þjóni hagsmunum sveitarfélagsins að leggja í frekari kostnað og vinnu við að innheimta umræddar kröfur.