Fréttir

Samkvæmt upplýsingum af vef vegagerðarinnar er verið að moka Lágheiðina. Það er því von til að fært verði milli Ólafsfjarðar og Siglufjarðar um páskana.

Á föstudag var undirritaður verksamningur um endurbyggingu sjóvarnargarða og þrengingu innsiglingarinnar að vesturhöfninni í Ólafsfirði. Árni Helgason ehf. mun vinna verkið.

Áætlað er að sprengt verði í gegnum síðasta haftið í göngunum á milli Héðinsfjarðar og Ólafsfjarðar á skírdag. Frá þessu er sagt á www.siglo.is.

Eins og flestir vita gerði  Grunnskóli Siglufjarðar sér lítið fyrir og sigraði þriðja árið í röð riðilinn sinn í Skólahreysti og þar með rétt til að taka þátt í úrslitakeppninni sem fer fram í beinni útsendingu á RÚV, fimmtudaginn 30. apríl klukkan 20:00.

Fjallabyggð hefur borist tilkynning frá Sparisjóði Ólafsfjarðar um aðgerðir til að styrkja stöðu sjóðsins. Í tilkynningunni kemur fram að stofnfé sjóðsins hafi verið aukið til að hækka eiginfjárhlutfall sjóðsins upp fyrir lögbundið lágmark. Smellið á "Lesa meira" til að lesa tilkynninguna.  

Fjallabyggð og félagasamtök í Fjallabyggð fengu úthlutað menningarstyrkjum frá Menningarráði Eyþings þann 19. mars sl. við hátíðlega athöfn í Menningarmiðstöð Þingeyinga – Safnahúsinu á Húsavík. Það er gleðilegt frá því að segja að allir aðilar innan Fjallabyggðar sem sóttu um, fengu styrki til menningarmála.

Forseti Íslands, hr. Ólafur Ragnar Grímsson, heimsótti Fjallabyggð í gær og í dag.

Forseti Íslands, hr. Ólafur Ragnar Grímsson, heimsækir Fjallabyggð og Dalvíkurbyggð í vikunni.