Fréttir

Bergþór Morthens var útnefndur bæjarlistamaður Fjallabyggðar 2010 þann 15. apríl sl. við hátíðlega athöfn í Ráðhúsinu á Siglufirði. Fjallabyggð óskar Bergþóri til hamingju með nafnbótina.

Nýjasta útgáfa af tillögu að nýju aðalskipulagi Fjallabyggðar 2008-2028 hefur nú verið gerð opinber á vef sveitarfélagsins.

Menningarnefnd hefur útnefnt Bergþór Morthens myndlistarmann, bæjarlistamann Fjallabyggðar 2010. Bergþór er sá fyrsti sem ber titilinn í Fjallabyggð og mun hann taka við viðurkenningu við hátíðlega athöfn í Ráðhúsinu á Siglufirði, fimmtudaginn 15. apríl nk. kl. 17.00.  Þá mun Bergþór formlega opna heimasíðu Listasafns Fjallabyggðar. Allir velkomnir. Menningarnefnd og menningarfulltrúi

Kynningarfundur um tillögu að breytingu á staðfestu aðalskipulagi Siglufjarðar 2003-2023, svæði við Túngötu, og tillögu að nýju aðalskipulagi Fjallabyggðar verður haldinn í Allanum fimmtudaginn 15. apríl kl. 20.00.

Markaðs- og kynningarfulltrúi hafði samband við Vegagerðina til að kanna hvenær við gætum vænst þess að Lágheiðin verði mokuð. Margir Ólafsfirðingar hafa látið sig dreyma að skreppa aðeins í vesturbæinn á skíði yfir páskanna eða í heimsókn til fölskyldu án þess að þurfa að keyra í þrjá klukkutíma og það sama á eflaust við um Siglfirðinga þó að þeir þurfi ekki að sækja  til Ólafsfjarðar á skíði. Eftirfarandi svar barst frá Vegagerðinni.

Menningarnefnd hefur valið Bergþór Morthens myndlistarmann á Siglufirði, bæjarlistamann Fjallabyggðar árið 2010. Þetta er í fyrsta sinn sem bæjarlistamaður Fjallabyggðar er valinn og mun sérstök viðhöfn fara fram eftir páska í Ráðhúsinu, þar sem bæjarlistamaður verður heiðraður.

Laugardaginn 27. mars mun Bergþórs Morthens, opna sýningu sína  Jón Sigurðsson, í Listasal Mosfellsbæjar. Sýningin stendur til 24. apríl.

Skíðafélag Ólafsfjarðar og Skíðafélag Dalvíkur eru mótshaldarar á Skíðamóti Íslands 2010, sem haldið er núna um helgina 26. - 29. mars. Til að gera umgjörð mótsins flottari og veglegri þá ætlar Fjallabyggð að draga íslenska fánann að húni í bænum þá daga sem keppt er á mótinu. Mótshaldarar hvetja bæjarbúa til að gera slíkt hið sama. Nánari upplýsinga um mótið er að finna á heimasíðu mótsins.