Fréttir

Bókasafnið í Ólafsfirði verður lokað í næstu viku 25. janúar til 29. janúar vegna "sumarfrís"

Ragnheiður Jóna menningarfulltrúi Eyþings verður á Siglufirði mánudaginn 25. janúar kl. 14-15.30

Bæjarstjórn Fjallabyggðar samþykkti, á fundi bæjarstjórnar 21. janúar sl. að veita sem samsvarar 100 kr. á hvern íbúa í Fjallabyggð, til hjálparstarfs vegna náttúruhamfara og yfirstandandi hörmunga á Haítí. Upphæðin er kr. 210 þúsund og verður skipt jafnt á milli Rauða kross Íslands og Landsbjargar til ráðstöfunar.

Auglýst er eftir styrkjum til atvinnumála kvenna sem félags- og tryggingamálaráðherra veitir ár hvert. Að þessu sinni eru 30 milljónir króna til úthlutunar.

Áhugamannafélag um fugla og fuglaskoðun í Fjallabyggð verður með kynningarfund á Hótel Ólafsfirði mánudaginn 18. janúar kl. 20:00.

Óskað er eftir umsóknum um verkefnastuðning frá Vaxtarsamningi Eyjafjarðar. Allar  atvinnugreinar hafa jafna möguleika á stuðningi, uppfylli umsóknir skilyrði og helstu atriði sem lögð eru til grundvallar við mat umsókna. Skilyrði er að í verkefni sé um að ræða samstarf tveggja eða fleiri aðila og skal minnst helmingur þátttakenda vera fyrirtæki.

Eins og flestir hafa tekið eftir hefur verið blíðskaparveður og snjór horfið hratt af Lágheiðinni. Auðvitað er það þó aldrei svo að snjóinn taki alveg upp af veginum án notkunar moksturstækja. Í gær og í dag hefur verið unnið að opnun heiðarinnar og ætlunin er að hún opni kl 16:30 í dag.

Í Fjallbyggð keppist fólk nú við að prjóna. Karlar, konur og börn, aðfluttir og fráfluttir, gamalmenni og unglingar hafa tekið upp prjónana og keppast nú við að prjóna 17 km. langan trefil. Ætlunin er að nýta trefillinn til að tengja saman byggðarkjarnana alveg frá miðbæ Siglufjarðar í gegnum Héðinsfjarðargöng inn í miðbæ Ólafsfjarðar við vígslu gangana í lok september nk. þegar göngin verða formlega opnuð.

Menningarráð Eyþings auglýsir eftir umsóknum um styrki á grundvelli samnings mennta- og menningarmálaráðuneytis og iðnaðarráðuneytis við Eyþing frá 27. apríl 2007. Tilgangur styrkjanna er að efla menningarstarfsemi og menningartengda ferðaþjónustu á Norðausturlandi.

Þessa dagana standa yfir kynningar á tillögum fræðslunefndar Fjallabyggðar um sameiningu fræðslustofnanna í sveitarfélaginu áður en endanlegar ákvarðanir verða teknar af bæjarstjórn. Kynningarnar eru fyrir starfsmenn, nemendur, foreldra og aðra íbúa Fjallabyggðar.