Fréttir

Nú hefur rekstur áhaldahúsanna á Siglufirði og Ólafsfirði verið sameinaður og til orðin Þjónustumiðstöð Fjallabyggðar (áhaldahús).  Guðni M. Sölvason hefur verið ráðinn verkstjóri.

Vil hér fyrir hönd undirbúningsnefndar og bæjarstjórnar, þakka öllum þeim fjölmörgu sem tóku þátt í  undirbúningi og viðburðum helgarinnar. Bæjarfélagið stóð vaktina og gestir samfélagsins urðu ekki fyrir vonbrigðum. Veðrið var eins og best er á kosið,  yndislegt  á laugardeginum og ekki var það síðra á sunnudeginum. Upp úr stendur  viðmót bæjarbúa, gleði og ánægja  á merkum tímamótum. Óska bæjarbúum til hamingju með vígsluna og góða helgi. Kveðja Sigurður Valur Ásbjarnarson, bæjarstjóri.

Veglegt kaffiboð bæjarstjórnar Fjallabyggðar og Vegagerðarinnar í tilefni af vígslu Héðinsfjarðarganga hefst í Íþróttahöllinni í Ólafsfirði kl. 16:00 á morgun laugardaginn 2. október. Þar verða m.a. flutt tónlistaratriði og allnokkur ávörp gesta.  Búist er við fjölda fólks í kaffiboðið.  Ákveðið hefur verið að sýna barnaefni í Félagsheimilinu Tjarnarborg Ólafsfirði á sama tíma, þ.e. frá kl. 16:00 á morgun, á meðan borðhald stendur yfir í Íþróttahöllinni.  Barnafólk getur því valið um að vera við borðhaldið og hlýða á það sem þar fer fram, eða horfa á barnaefni í Tjarnarborg með léttar veitingar við hæfi barna. Skipulagsnefndin.

Til sölu er sérdeilis góður Og sómakær eðalbíll Svolítið sveittur og móður Samt mun hér góður díll Viljugur er hann og vanur Því vinnan er aðall hans Útlitið eins og svanur Í ástleitnum vangadans SHS

Ágætu íbúar Fjallabyggðar. Helgin 2 og 3. október næstkomandi verður tilkomumikil.  Stórviðburður í sögu Fjallabyggðar verður að veruleika þar sem allir taka  þátt í að sameina tvo frábæra byggðarkjarna í eitt raunverulegt og samtengt sveitarfélag. Íbúar Siglufjarðar og Ólafsfjarðar sem og gestir þeirra og Vegagerðar munu streyma í Héðinsfjörð og verða við vígslu á göngum sem tengir  Fjallabyggð saman, samgöngulega séð.

Ljóðahátíðin Glóð verður haldin á Siglufirði 23.-25. september 2010.