Fréttir

Þann 1. september sl. breyttist útivistartími barna og unglinga. Börn yngri en 12 ára mega ekki vera úti eftir kl. 20:00 og unglingar yngri en 16 ára mega ekki vera úti eftir kl.22:00.

Þjóðleikur auglýsir eftir hópum til þátttöku. Þjóðleikur er stórt leiklistarverkefni sem haldið er á öllu Norðurlandi í samstarfi við Þjóðleikhúsið og fjölmarga áhugasama aðila. Verkefnið nær til alls Norðurlands, allt frá Bakkafirði til Húnavatnssýslna.

Nú styttist í að heitu pottarnir við íþróttamiðstöðina í Ólafsfirði verði teknir í notkun. Búið er að klára pottana sjálfa og er verið að ganga frá handriði og umhverfi í kringum pottana. Allar líkur eru á að pottarnir verði opnaðir um helgina.

Vegna svæðisþings Tónlistarkennara á Norðurlandi verður frí fimmtudaginn 9 september í Tónskóla Fjallabyggðar. Kennsla verður síðan föstudaginn 10 september samkvæmt stundaskrá. Skólastjóri.

Vinnuskóli Fjallabyggðar hefur lokið störfum þetta sumarið.

Fjallabyggð óskar eftir samstarfi við þá sem ætla að vera með listviðburð, veita þjónustu eða annað skemmtilegt helgina 2.-3. október. Ætlunin er að allir viðburðir þessa helgi verði auglýstir saman í viðburðardagskrá tengdri helginni.  Hafa skal samband við undirritaðan hið fyrsta. Allar ábendingar og hugmyndir  í sambandi við vígsluna eru vel þegnar. Sigurður Valur Ásbjarnarson bæjarstjóri