Fréttir

Vegna tilmæla frá Norðurorku var sundlauginni í Ólafsfirði lokað um tíma vegna skorts á heitu vatni í Ólafsfirði. Búið er að opna laugina á ný með leyfi Norðurokru.

1-1-2 dagurinn er næstkomandi sunnudag 11. febrúar og er yfirskrift hans að þessu sinni “Öryggi á vatni og sjó”. Af því tilefni ætla viðbragðsaðilar í Fjallabyggð að tefla fram nýja björgunarskipinu Sigurvin með bátaflokk Björgunarsveitarinnar Stráka í stafni og setja á svið sjóbjörgun í Siglufjarðarhöfn ásamt Slökkviliði Fjallabyggðar, sjúkraflutningateymi HSN í Fjallabyggð og lögreglu.

Ert þú búin/n að skoða viðburðalistann á heimasíðu SSNE ? Opið er fyrir umsóknir um styrki úr hinum ýmsu flokkum. Ekki missa af umsóknarfresti fyrir verkefnið þitt.

Matvælasjóður opnar fyrir umsóknir 1. febrúar 2024 vegna fjórðu úthlutunar sjóðsins. Umsóknarfrestur er til miðnættis 29. febrúar 2024.

Málþingið ,,Út um borg og bý: Hverju skilar samstarf nágranna og hvað prýðir gott sveitarfélag?" á vegum SSNE fer fram í Menningarhúsinu Hofi, Akureyri föstudaginn 9. febrúar og hefst kl. 11:00. Reynslumikið fólk flytur erindi undir þemunum þremur Húsaþyrping eða samfélag?, Samstarfs sveitarfélaga og Borgarstefna. Áætlað er að málþinginu verði slitið kl. 16:00. Málþinginu verður jafnframt streymt.

Bókasafn Fjallabyggðar í Ólafsvegi 4, Ólafsfirði, verður lokað frá 16. febrúar nk, í óákveðinn tíma, vegna flutninga safnsins í Bylgjubyggð 2b (Hús eldri borgara). Opnunartími safnsins, á nýjum stað, verður auglýstur síðar.

Allir greiðendur fasteignagjalda til sveitarfélagsins, einstaklingar og lögaðilar, geta nú nálgast álagningarseðla í Þjónustugátt á heimasíðu sveitarfélagsins.

Fyrsti sólardagur var í Ólafsfirði í gær fimmtudaginn 25. janúar. Sunnudaginn 28. janúar er fyrsti sólardagur á Siglufirði. Sólin hverfur frá miðjum nóvember og sést ekki í rúma tvo mánuði vegna hárra fjalla er umlykja Siglufjörð og Ólafsfjörð.

Öryggi barna í bílum er efni okkar allra og alltaf gott að upplýsa sig vel og fara yfir reglulega.

Stýrihópur um heilsueflandi samfélag, Skíðafélag Ólafsfjarðar og Skíðafélag Siglufjarðar Skíðaborg, standa sameiginlega fyrir námskeiðum í skíðagöngu fyrir íbúa Fjallabyggðar í janúar 2024. Skíðagöngunámskeið verður á Siglufirði mánudaginn 29. janúar nk. Kennt verður þrjá daga, 29. 30. og 31. janúar. Mæting er við Hól kl. 18:00 alla dagana.