Fréttir

Trilludagar voru haldnir á Siglufirði í annað sinn um nýliðna helgi og þóttu þeir takast einstaklega vel en talið er að um 1500 manns hafi verið í bænum á Trilludögum. Sólin lét lítið sjá sig en ljóst að það hafði ekki áhrif á stemninguna á hátíðinni.

Siglufjörður var á dögunum tilnefndur til Embluverðlaunanna í flokknum Mataráfangastaður Norðurlanda 2017

Siglufjörður mun iða af lífi þegar fjölskylduhátíðin Trilludagar verður haldin dagana 29. -30. júlí nk.

Bæjarfélagið Fjallabyggð og Arnarlax hf. undirrituðu í dag föstudaginn 21. júlí kl. 15:00 viljayfirlýsingu um samstarf og samvinnu um sjókvíaeldi í Eyjafirði/Ólafsfirði.

Í samræmi við 6. gr. laga nr. 106/2000 hefur Fjallabyggð farið yfir tilkynningu Vegagerðarinnar vegna framkvæmdaleyfis á nýbyggingu vegar og efnistöku í námu.

Á 215. fundi skipulags- og umhverfisnefndar Fjallabyggðar var samþykkt skipulagslýsing fyrir deiliskipulag á malarvellinum, Siglufirði. Skipulagslýsingin er nú til kynningar í samræmi við 1.mgr. 30 gr. og 1.mgr. 40.gr. skipulagslaga nr. 123/2010.

Berjadagar 2017, tónlistarhátíð í Ólafsfirði haldin í 19. sinn dagana 17. - 20. ágúst.

Undirritun viljayfirlýsingar milli Fjallabyggðar og Arnarlax hf., um samstarf og samvinnu um sjókvíaeldi í Eyjafirði/Ólafsfirði fer fram í Tjarnarborg í Ólafsfirði, föstudaginn 21. júlí n.k. og hefst athöfnin kl. 15:00.

5 ára afmælisfagnaður Alþýðuhússins á Siglufirði frá 14. – 16. júlí 2017 Í desember 2011 keypti Aðalheiður S. Eysteinsdóttir Alþýðuhúsið á Siglufirði með það að markmiði að gera þar vinnustofu og leikvöll sköpunar af ýmsum toga. Hafist var handa við endurgerð hússins með hjálp vina og vandamanna, og var Alþýðuhúsið formlega tekið í notkun sem vinnustofa og heimili með menningarlegu ívafi 19. júlí 2012.

Bæjarstjórn Fjallabyggðar samþykkti 21. júní 2017 að auglýsa tillögu að deiliskipulagi miðbæjar Siglufjarðar skv. 1.mgr. 41.gr skipulagslaga nr. 213/2010. Svæðið sem deiliskipulagið nær til er hluti miðbæjar Siglufjarðar og afmarkast af baklóðum við Suðurgötu 2‐10 til vesturs, af lóðarmörkum norðan Aðalgötu til norðurs, af lóðarmörkum austan Grundargötu og lóðarmörkum vestan Gránugötu 23‐25 til austurs og af höfninni til suðurs.