Fréttir

Landsbankinn efnir til fundar um uppfærða þjóðhags- og verðbólguspá bankans til ársins 2018. Á fundinum verður einnig fjallað um lausafjárstýringu fyrirtækja, aflandskrónuútboð Seðlabankans, uppbyggingu á Siglufirði og fleira.

Sjómannadagshelgin er viðburðarík í Alþýðuhúsinu á Siglufirði. Nú stendur yfir sýning Kristjáns Guðmundssonar í Kompunni og tveir viðburðir verða 4. og 5. júní.

Sumarlestur á vegum bókasafnsins hefst 1. júní og stendur til 31. ágúst. Sumarlestur hefur það að markmiði að hvetja til lesturs í sumarfríi skólanna og þannig viðhalda og auka við þá lestrarfærni sem börnin hafa öðlast yfir veturinn. Lestur eflir málþroska, bætir orðaforða, eykur þekkingu, auðveldar nám og örvar ímyndunaraflið.

Vakin er athygli á því að sumaráætlun Strætó tók gildi í gær, sunnudaginn 29. mai. Nánari upplýsingar um breytingarnar er að finna á Strætó.is.

Fyrir nokkrum dögum setti Síminn upp 4G farsímasendi á Ólafsfirði. Nú er því komið 4G samband á bæði Siglufirði og Ólafsfirði.

Vegna viðhaldsframkvæmda verður Íþróttamiðstöð Fjallabyggðar, Siglufirði, lokuð frá og með sunnudeginum 29. maí til og með mánudagsins 6. júní.

Ungmenna- og íþróttasamband Fjallabyggðar (UÍF) hélt ársþing sitt að Íþróttamiðstöðinni á Hóli í Siglufirði 19. maí sl. Félög innan sambandsins höfðu rétt á að senda 31 fulltrúa til þingsins og af þeim mættu 17 frá 9 af þeim 11 félögum sem eru innan UÍF.

Laugardaginn 28. maí 2016 kl. 15:00 opnar Kristján Guðmundsson sýningu í Kompunni, Alþýðuhúsinu á Siglufirði. Kristján Guðmundsson er einn af þekktari listamönnum þjóðarinnar, búsettur í Reykjavík. Hann hóf listferil sinn uppúr 1960 og var einn af meðlimum SÚM sem þá var framsækinn félagskapur ungra listamanna í Reykjavík.

Í gær, mánudaginn 23. maí, hófst Hreyfivika UMFÍ. Hreyfivika UMFÍ er árleg lýðheilsuherferð og hefur það að markmiði að kynna kosti þess að taka þátt í hreyfingu og íþróttum. UMFÍ vill að allir landsmenn finni sína uppáhalds hreyfingu. Börn eiga að hreyfa sig að lágmarki 60 mínútur daglega og fullorðnir í 30 mínútur.

Miðvikudaginn18. maí, úthlutaði Uppbyggingarsjóður Norðurlands eystra 70,1 milljón króna til menningar, atvinnuþróunar og nýsköpunar á starfssvæði Eyþings. Sjóðurinn tók við hlutverkum Menningarsamnings Eyþings, Vaxtarsamnings Eyjafjarðar og Vaxtarsamnings Norðausturlands. Hann er hluti af samningi milli Eyþings og ríkisins um Sóknaráætlun Norðurlands eystra 2015-2019.