Fréttir

Eftirfarandi ályktun var samþykkt með 9 atkvæðum á bæjarstjórnarfundi 21. nóvember 2006 "Bæjarstjórn Fjallabyggðar skorar á Vegagerðina að endurskoða útboð á snjómokstri milli Ólafsfjarðar og Dalvíkur. Sá verktaki sem þjónað hefur Ólafsfirðingum í áratugi hefur mikla reynslu og mikinn tækjakost til þess að sinna þessu verkefni. Alltaf hefur verið hægt að treysta á aðstoð hans ef þurft hefur.Það er ómetanlegt á sjóþungum stað eins og hér um ræðir.Það er miklu meira virði en 100.000 krónur á ári!Bæjarstjórn telur ekki forsvaranlegt að mokstur sé ekki frá endastöð á Ólafsfirði.Er þetta ekki síst öryggisatriði ef um sjúkraflutninga er að ræða. Þetta kom glögglega í ljós þegar sjúkrabíll með sjúkling festist í Ólafsfjarðarmúla í fyrstu snjóum vetrarins og þurfti björgunarsveit til aðstoðar.Miðað við þá þjónustu sem verið hefur á mörgum undanförnum árum þá er ljóst að hér verður um skerðingu á þjónustu að ræða og vegurinn mun opnast seinna en verið hefur. Það sýndi sig strax þriðjudaginn 14. nóvember sl. að vegurinn opnaðist ekki fyrr en kl. 14.00 um daginn.Hér er ekki verið að kasta rýrð á þann verktaka sem nú er með snjómoksturinn, heldur aðeins verið að benda á staðreyndir og þær áhyggjur sem íbúar Fjallabyggðar hafa vegna þessara breytinga. Jafnframt krefst Bæjarstjórn Fjallabyggðar þess að endurskoðaðar verði mokstursreglur á milli byggðakjarnanna Ólafsfjarðar og Siglufjarðar og að Lágheiði verði mokuð a.m.k. tvisvar í viku þegar veður leyfir.Mikil samskipti þurfa að eiga sér stað milli staðanna bæði í stjórnsýslu og af hálfu verktaka við Héðinsfjarðargöng.Öxnadalsheiðarleiðin milli staðanna er rúmlega 500 km fram og tilbaka, en leiðin yfir Lágheiði aðeins 120 km. Það munar um minna! "

Er lögheimilið þitt rétt skráð?Þeir sem hafa flutt til Fjallabyggðar eða innan sveitarfélagsins og hafa ekki tilkynnt aðsetursskipti, eru hvattir til að gera það sem fyrst. Eyðublöð fást á bæjarskrifstofunum og einnig á vef Hagstofunnar, www.thjodskra.is Atvinnurekendum er einnig bent á að hvetja starfmenn sína sem búa hér en hafa ekki flutt lögheimilið til að tilkynna aðsetursskipti. Bæjarskrifstofur Fjallabyggðar

Jón Hrói Finnsson hefur verið ráðinn þróunarstjóri Fjallabyggðar frá 1. jánúar 2007. Þróunarstjóri mun hafa aðsetur á Ólafsfirði og verður hann aðstoðarmaður bæjarstjóra.Jón Hrói er fæddur árið 1972 og hefur starfað við stjórnsýsluráðgjöf hjá ParX frá árinu 2004. Hann lauk BA prófi í stjórnsýslufræði frá Árósaháskóla árið 2000 og embættisprófi (Cand.Sci.Pol.) frá sama skóla 2004. Hann starfaði hjá Arla Foods að ýmsum skipulagstengdum verkefnum, m.a. að ferlagreiningu og þekkingarstjórnun

Fundi bæjarstjórnar Fjallabyggðar hefur verið frestað um eina viku.Fundurinn verður haldinn þriðjudaginn 21. nóvember kl. 17.00 á Siglufirði

6. fundur bæjarstjórnarverður haldinn í Ráðhúsinu Siglufirði þriðjudaginn 14. nóvember 2006 kl. 17.00.Dagskrá1. Fundagerðir bæjarráðs frá 26. október og 2., 6., 7. og 9. nóvember 2006.2. Fundargerð barnaverndarnefndar Út-eyjar frá 12. október 2006.3. Fundargerð almannavarnarnefndar frá 18. október 2006.4. Fundagerðir skipulags- og umhverfisnefndar frá 18. október og 1. nóvember 2006.5. Fundargerð húsnæðisnefndar frá 25. október 2006.6. Fundargerð fræðslunefndar frá 6. nóvember 2006.7. Fundargerð frístundanefndar frá 7. nóvember 2006.8. Endurskoðun fjárhagsáætlunar 2006.Ólafsfirði 10. nóvember 2006Þórir Kr. Þórissonbæjarstjóri

Gerð fjárhagsáætlunar Fjallabyggðar fyrir árið 2007 er hafin. Einstaklingar og félagasamtök sem hafa hug á að sækja um styrki eða framlög vegna starfsemi ársins 2007 er bent á að umsóknir þurfa að hafa borist bæjaryfirvöldum 1. desember n.k. Umsókn þarf að fylgja greinargerð sem skýrir verkefnið sem sótt er um styrk til, svo og síðasta skattframtal eða ársreikningur. Áskilinn er réttur til að krefjast fyllri gagna en umsókn fylgja, þyki þess þörf.Aðeins umsóknir sem berast fyrir auglýstan frest verða teknar fyrir við áætlanagerð.Umsóknir skal senda til :Bæjarskrifstofu Fjallabyggðar Gránugötu 24, 580 Siglufirði, eða Bæjarskrifstofu Fjallabyggðar Ólafsvegi 4, 625 Ólafsfirði.Í Fjallabyggð 10. nóvember 2006.Skrifstofustjóri

Ragnar Hauksson ráðinn þjálfari KS Leifturs.Í dag var gengið frá samningi við Ragnar Hauksson og tekur hann nú við þjálfun KS Leifturs til tveggja ára. Gert er ráð fyrir því að ráða þjálfara honum til aðstoðar sem staðsettur verður á Ólafsfirði. Meistaraflokksráð KS Leifturs fagnar þessari niðurstöðu og bindur vonir við að liðið geti komið sterkt til leiks næsta sumar en nú verður öll áhersla lögð á að ræða við leikmenn og ganga frá leikmannahópi fyrir tímabilið. (sjá http://www.siglo.is/ks/?ks=frettir)

Dýralæknir verður í áhaldahúsinu fimmtudaginn 16. nóvember 2006Kl. 16:00 til 17:30Áríðandi er að allir hundar séu hreinsaðir !Kl. 17:30 til 19:30Verður dýralæknirinn á svæði hestamanna Dýraeftirlit Siglufjarðar.

Á dögunum veitti Fjallabyggð verðlaun fyrir fallegt og snyrtilegt umhverfiHrannarbyggð 9, Ólafsfirði. Eigendur eru Ásdís Pálmadóttir og Guðni ÓlafssonKirkjugarðinum á Ólafsfirði. Umsjónarmaður Óskar FinnssonEyrarflöt 2, Siglufirði. Eigendur Berglind Friðriksdóttir og Sigurður Sverrisson.

Uppskeruhátíð ferðaþjónustunnar á Norðurlandiverður að þessu sinni haldin í Austur Húnavatnssýlsu. Síðasta ár var uppskeruhátíðin við Mývatn og nú er komið að Húnvetningum að bjóða til sín ferðaþjónustuaðilum af öllu Norðurlandi. Hátíðin verður haldin fimmtudaginn 9. nóvember. Gestir mæta við Upplýsingamiðstöð ferðamála í Brautarhvammi á Blönduósi kl. 11:00. Þar verða rútur sem fara með hópinn í sýnisferð um héraðið. Fróðir heimamenn kynna áhugaverða ferðamannastaði fyrir þátttakendum. Austur Húnavatnssýsla hefur margt að bjóða gestum sínum, bæði í náttúru og menningu. Vonast er til að ferðaþjónustuaðilar af öllu Norðurlandi mæti til leiks og ekki síst að heimamenn taki þátt. Það er mjög gagnlegt og skemmtilegt fyrir fólk í greininni að bera saman bækur sínar og eyða deginum saman. Hádegisverður verður snæddur í nýju hóteli á landnámsbænum Hofi í Vatnsdal. Þór Hjaltalín minjavörður mun kynna verkefnið “Á slóð vatnsdælasögu”. Komið verður við í Blöndustöð, Þingeyrakirkju og á Heimilisiðnaðarsafninu á Blönduósi þar sem Jóna Fanney Friðriksdóttir bæjarstýra á Blönduósi og Elín Sigurðardóttir safnstýra taka á móti gestum. Eftir skemmtilega skoðunarferð verða gestir boðnir velkomnir til Skagastrandar í hinu glæsilega kaffihúsi, Kaffi Viðvík. Matarveisla og skemmtun verður í Kántrýbæ, þar sem Magnús B. Jónsson sveitastjóri sér um veislustjórn í Villta vestrinu. Skoðunarferð og veitingar eru gestum að kostnaðarlausu, en gistingu verður hver að sjá um fyrir sig. Gist verður á Blönduósi . Gistimöguleikar eru á Hóteli, Gistihúsi og í sumarhúsum. Bókanir í gistingu: Glaðheimar s. 898 1832 og Gistiheimilið Blönduból s. 892 3455. Sértilboð verður á gistingu í tilefni uppskeruhátíðarinnar. Markaðsskrifstofa ferðamála á Norðurlandi tekur við skráningum og veitir upplýsingar á heimasíðunni www.nordurland.is eða í netfangingu nordurland@nordurland.is , einnig Haukur Suska-Garðarsson starfsmaður SSNV Atvinnuþróunar í síma 455 4300 eða haukur@ssnv.is . Helst þarf að skrá þátttöku fyrir 2. nóvember. Hátíðin í fyrra heppnaðist mjög vel og verður þessi ekki síðri. Ferðaþjónustuaðilar eru hvattir til að taka þátt. Mætum hress í Húnvatnssýsluna og njótum skemmtunar og fróðleiks með öðrum ferðaþjónustuaðilum á Norðurlandi.