Skipulags- og umhverfisnefnd Fjallabyggðar

Á 80. fundi bæjarstjórnar Fjallabyggðar var tilkynnt um nefndarbreytingu. Aðalmaður og formaður skipulags- og umhverfisnefndar verður í stað Kristins Gylfasonar B-lista, Helga Jónsdóttir B-lista og varamaður fyrir Helgu Jónsdóttur verður Ingvar Erlingsson B-lista.

Nefndin þakkar Kristni Gylfasyni vel unnin störf.

Lagður fram undirskriftarlisti íbúa við Suðurgötu á Siglufirði sem mótmæla harðlega þeirri breytingu sem samþykkt var á 124. fundi skipulags- og umhverfisnefndar um að banna ætti lögn bifreiða á austurkanti götunnar frá Suðurgötu 77 til norðurs að gatnamótum við Laugarveg, en leyfa hana á vesturkanti á sama kafla. Bent er á að mikill bílastæðavandi er frá Suðurgötu 42 til Suðurgötu 59. Við áðurnefnda breytingu fækkar stæðunum enn frekar auk þess sem bílaumferðin sé hrakin upp að gangstéttarbrúninni.

Nefndin bókar að tvær forsendur voru fyrir breytingu á lögn bifreiða við Suðurgötu. Talin er vera minni slysahætta ef ekki er lagt við gangstétt auk þess sem snjómokstur verður auðveldari fyrir vikið. Nefndin vill láta reyna á þetta fyrirkomulag til vors.

Hilmar Elefsen bókar að hann vilji láta fella þessa breytingu úr gildi.

Umhverfisráðuneytið óskar eftir umsögn um drög að heildstæðu frumvarpi til náttúruverndarlaga. Drögin byggja á hvítbók um löggjöf til verndar náttúru Íslands. Óskar ráðuneytið eftir því að umsögn berist í síðasta lagi 25. september.

Engar athugasemdir voru gerðar við drögin.

Lagðar fram byggingarnefndarteikningar fyrir stækkun grunnskólans við Norðurgötu á Siglufirði.

Erindi samþykkt.

Lagður fram nýr lóðarleigusamningur fyrir Hverfisgötu 15 á Siglufirði .

Erindi samþykkt.

Eigendur Kirkjuvegar 16 sækja um breytingar á húseigninni samkvæmt meðfylgjandi teikningum. Að auki er lagður fram nýr lóðarleigusamningur fyrir húseignina.

Erindi samþykkt.

Lagður fram lóðarleigusamningur fyrir áætlaða hótelbyggingu að Snorragötu 3.

Erindi samþykkt.

Lögð fram greinargerð frá Vegagerðinni um umferðaröryggi á Siglufirði og í Ólafsfirði.

Nefndin samþykkir gerð biðstöðva og miðeyja við gangbrautir samkvæmt framlagðri greinargerð sem unnin er í tengslum við umferðaröryggisáætlun Fjallabyggðar, en þeirri vinnu er ekki lokið.

Eigandi húseignarinnar að Suðurgötu 58 sækir um að byggja sólskála á suður- og vesturhlið hússins samkvæmt meðfylgjandi teikningu.

Erindi samþykkt með fyrirvara um að endanlegar teikningar berist sem og skráningartafla.

Á 141. fundi skipulags- og umhverfisnefndar var framkvæmdaleyfi fyrir væntanlegri Hálsalyftu á skíðasvæðinu í Skarðsdal samþykkt með fyrirvara um að nánari teikningar og hönnun af undirstöðum myndi berast.

Lagðar eru fram til kynningar teikningar af undirstöðum væntanlegrar lyftu.

Erindi samþykkt.

Guðmundur Garðarsson fyrir hönd Knolls ehf. sækir um leyfi til útlitsbreytinga á efri hæð húsnæðis Knolls ehf. að Múlavegi 7 samkvæmt meðfylgjandi teikningu.

Erindi samþykkt.

Sigurður Hlöðversson sækir um fyrir hönd húseiganda að Hvanneyrarbraut 59 leyfi til byggingu svala og staðsetningu hurðar vegna flóttaleiðar úr risi.

Erindi samþykkt.

Gunnar St. Ólafsson fyrir hönd Selvíkur ehf. sækir um leyfi til að hefja framkvæmdir við fyllingu undir væntanlegt hótel í samræmi við hönnun Siglingastofnunar. Einnig er sótt um leyfi til námuvinnslu í námu við Selgil.

Erindi samþykkt.

Umhverfissstofnun sendir inn bréf er varðar notkun vélknúinna ökutækja við leitir. Umhverfisstofnun hvetur þá sem skipuleggja leitir að upplýsa viðkomandi aðila um þær reglur sem gilda um notkun vélknúinna ökutækja í náttúru Íslands til þess að komast megi hjá spjöllum.

Lagt fram til kynningar.

Lögð fram til kynningar sala á jörðinni Bakka í Ólafsfirði.