Skipulags- og umhverfisnefnd Fjallabyggðar

Lögð er fram tillaga að frístundabyggð á Siglunesi.
Nefndin tekur jákvætt í að byggð verði ný frístundahús á Siglunesi en hafnar þessari staðsetningu
þar sem hún er utan skilgreinds svæðis fyrir frístundabyggð samkvæmt aðalskipulagi Fjallabyggðar 2008 - 2028.

Lögð er fram tillaga að breytingu á skipulagslögum, nr. 123/2010.
Skipulags- og umhverfisnefnd Fjallabyggðar hefur farið yfir ofangreint frumvarp og gerir eftirfarandi athugasemd við 1. gr. lið a. þar sem vísað er í 3. mgr. 32. gr. laganna.
Breytingartillagan gerir ráð fyrir að sveitarstjórn geti ákveðið að aðalskipulag taki gildi hafi Skipulagsstofnun ekki afgreitt það innan fjögurra vikna frá því að það berst þeim til staðfestingar, synjunar eða frestunar. Þá er spurt,gefi sveitarstjórn t.d. út framkvæmdaleyfi s.kv. aðalskipulagi sem ekki hefur fengið staðfestingu Skipulagsstofnunar en Skipulagsstofnun hafni síðar á einhverjum forsendum, er hætt við að sveitafélag verði bótaskylt?

Herhúsfélagið sótti um lóðina Norðurgötu 5b á fundi nefndarinnar 11. nóvember 2010.  Óskað var eftir hugmynd Herhúsfélagsins af umbeðinni lóð.  Félagið sótti um lóðina í þeim tilgangi að nýta hana fyrir framtíðarstarfsemi Herhúsfélagsins, til að bæta aðstöðu listamanna sem dvelja í Herhúsinu.  Óskað er eftir að sá möguleiki verði opinn að byggja í framtíðinni lítið hús þar sem yrði verkstæði og einnig aðstaða til útivinnu.

Erindi frestað og vísað til tæknideildar.

Lögð er fram skýrsla Veðurstofu Íslands um hættumat fyrir skíðasvæðin í Skarðsdal og Hólsdal á Siglufirði.

Nefndin fagnar því ferli sem málið er í stjórnkerfinu.

Ásgeir Logi Ásgeirsson fyrir hönd Norðlandía ehf, óskar eftir leyfi til að bora holu sunnan við Múlaveg 3.  Hugmyndin gengur út á að athuga hvort þarna geti verið um "dauðan sjó" að ræða, þ.e. sjó sem hefur síast gegnum setlögin og er þannig hreinn af bakterium og öðru.  Ef svo færi að þarna væri sjór, þá er aþð hugmydnin að nota hann til að þvo loft það sem frá verksmiðjunni fer.

Erindi samþykkt, nefndin beinir því til umsækjanda að haft verði samráð við tæknideild varðandi frágang borholu.

Ásgeir Logi Ásgeirsson fyrir hönd Norðlandía ehf, óskar eftir að fá lóðina milli Múlavegar 1 og 3 til umráða, sem og stærra svæði niður fyrir Múlaveg 1, bæði með tilliti til framtíðar uppbyggingar fyrirtækisins og úrlausna vandamála sem eru til staðar í dag.

Erindi samþykkt, óskað er eftir að tæknideild gangi frá nýjum lóðaleigusamning.

Sigurjón Magnússon óskar eftir að gera breytingu á umsókn sinni um að staðsetja gamla íbúðarhúsið að Vatnsenda á lóð sinni við Breimnes.  Í stað þess að setja Vatnsenda niður á lóðinni  óskar Sigurjón eftir leyfi til að til að setja niður byggingar þær sem hann hefur keypt af Háfelli og voru notaðar sem skrifstofur á vinnusvæði Ólafsfjarðarmegin.

Nefndin samþykkir erindið að undangenginni grenndarkynningu á svæðinu frá Þverbrekku að Brimnesi.

RARIK hefur sótt um að staðsetja spennistöð á horni Hávegar og Hverfisgötu.

Erindi samþykkt og tæknideild falið að ljúka málinu.

Nefndin fór yfir umsókn og umsagnir varðandi efnistöku á Siglunesi.

Nefndin veitir heimild til grjóttínslu úr landi Vélsmiðju Hjalta Einarssonar, landnúmeri 142277, til sjóvarna skv. umsókn Stefáns Einarssonar dagss. 7. janúar 2010. Efnisflutningar frá grjóttínslusvæði er háð samþykki eigenda lands sem þeir fara um.