Skipulags- og umhverfisnefnd Fjallabyggðar

Lögð fram að nýju tillaga að deiliskipulagi brimbrettaaðstöðu við Brimnestungu í Ólafsfirði, dagsett 30.6.2023, þar sem búið er að verða við athugasemdum nefndarinnar frá síðasta fundi. Einnig lögð fram drög að breytingu á Aðalskipulagi Fjallabyggðar 2020-2032 sem auglýst verður samhliða nýju deiliskipulagi.

Með umsókn dagsett 28.júní 2023 óskar Kolbeinn Óttarsson Proppé, f.h. Leyningsás ses, eftir breytingum á deiliskipulagi skíðasvæðisins í Skarðsdal. Helsta breytingin felst í uppsetningu diskalyftu fyrir ofan fyrirhugað bílastæði og aðlögun svæðisins að því sbr. breytingaruppdrátt sem unninn var hjá Eflu verkfræðistofu dags. 16.6.2023.

Með umsókn dagsettri 28.júní 2023 óskar Kolbeinn Óttarsson Proppé, f.h. Leyningsás ses, eftir framkvæmdaleyfi til að fjarlægja neðstu diskalyftu svæðisins sem er svo áætlað að staðsetja við nýtt byrjunarsvæði skíðasvæðisins. Framkvæmd þessi er í samræmi við gildandi deiliskipulag af svæðinu þar sem ekki er gert ráð fyrir lyftu á þessum stað vegna snjóflóðahættu.

Með erindi dagsettu 27.júní 2023 óska L-7 verktakar fyrir hönd eigenda á Eyrarflöt 6-8 Siglufirði, eftir leyfi til minniháttar útlitsbreytinga á sólskála sem snýr til vesturs. Breytingarnar felast í uppsetningu liggjandi timburklæðningar á neðri gluggaröð sólskálanna þar sem rúður brotna ítrekað vegna snjóalaga og klakamyndunar.

Lögð fram umsókn um byggingarleyfi dagsett 5.6.2023 þar sem Jón Karlsson sækir um byggingarleyfi fyrir einbýlishúsi við Bakkabyggð 4 í samræmi við meðfylgjandi teikningar unnar af VK Verkfræðistofu dags. 8.5.2023.

Lögð fram umsókn um byggingarleyfi dagsett 1.7.2023 þar sem Siglunes Guesthouse ehf. sækir um leyfi fyrir svölum úr stáli á kvist á suðausturhorni Lækjargötu 10. Einnig lagðar fram teikningar dags. 30.6.2023.

Lögð fram umsókn um byggingarleyfi dagsett 3.7.2023 þar sem L-7 ehf. sækir um leyfi fyrir hönd Selvíkur ehf, á sameiningu rýma 0201 og 0203 á Aðalgötu 34 og breytta notkun úr skrifstofurýmum í íbúð. Einnig lagðir fram uppfærðir aðaluppdrættir ásamt skráningartöflu og samþykki annars eiganda í húsinu.

Með umsókn dagsettri 27.júní 2023 óskar Sigurbjörn Ragnar Antonsson eftir leyfi fyrir viðbyggingu við neðri hæð Laugarvegar 34 samkvæmt meðfylgjandi bráðarbirgðateikningum.

Með umsókn dagsettri 13.júní 2023 sækir Hrönn Hafþórsdóttir eftir endurnýjun lóðarleigusamnings við Hvanneyrarbraut 13 á Siglufirði. Einnig lagt fram lóðarblað tæknideildar dags. 19.6.2023.

Með umsókn dagsettri 13.júní 2023 sækja Aníta Ísey Jónsdóttir og Alfreð Ingvar Gústavsson eftir endurnýjun lóðarleigusamnings við Suðurgötu 39 á Siglufirði. Einnig lagt fram lóðarblað tæknideildar dags. 19.6.2023.

Með umsókn dagsettri 19.júní 2023 sækja Ragnar Þór Björnsson og Bergur Rúnar Björnsson eftir endurnýjun lóðarleigusamnings við Vesturgötu 9 í Ólafsfirði. Einnig lagt fram lóðarblað tæknideildar dags. 21.6.2023.

Með erindi dagsettu 18.júní 2023 sækir Ómar Óskarsson eftir afnot af landsvæði norðan við lóð hans á Hávegi 3. Landsvæðið sem er í eigu Fjallabyggðar, er afmarkað á meðfylgjandi uppdrætti og er um 47 fm að stærð og yrði nýtt undir garðskúr.

Lögð fram drög að nýjum lóðarleigusamning fyrir Austurhöfn 1 ásamt lóðarblaði tæknideildar dags. 4.júlí 2023.

Lögð fram umsókn RÆS minningarfélags um síldarstúlkuna, vegna framkvæmdaleyfis fyrir bryggjustúf til móts við Gránu á Snorragötu.

Með erindi Þorsteins Ásgeirssonar f.h. Fjallasala ehf. er sótt um leyfi til að mála trölla fótspor á gangstéttar og hluta til á götur við Aðalgötu og Strandgötu í kringum Pálshús og Kaffi Klöru. Tilgangurinn er að vekja athygli á Pálshúsi og Kaffi Klöru.

Með erindi dagsettu 30.júní 2023 óskar Marteinn B. Haraldsson f.h. Seguls 67 Brugghúss eftir leyfi til að loka Vetrarbraut frá gatnamótum Aðalgötu/Vetrarbraut að gatnamótum Vetrarbraut/Eyrargötu laugardaginn 5. ágúst nk. vegna árlegu Bjórleikanna.

Gatnagerð við Eyrarflöt hófst haustið 2022 með nýrri götu og lögnum að Eyrarflöt 14-20. Ásókn í aðrar lóðir á svæðinu kalla á frekari gatnagerðir og frágang á svæðinu. Til að hægt sé að halda áfram með uppbygginu íbúða, sérstaklega til endursölu, er mikilvægt að frágangi grænna svæða sé lokið, s.s. leiksvæðis, sem og frágangur gatna og gangstétta og önnur umgjörð svæðisins.

Lagður fram tölvupóstur frá Rúnari Marteinssyni f.h. Primex ehf. þar sem óskað er eftir lagfæringu á Tjarnargötu skv. meðfylgjandi myndum.

Með erindi dagsettu 3. júlí 2023 óskar Kristinn Kristjánsson eftir tímabundnu stöðuleyfi fyrir hreyfanlegan matarvagn. Áætlaður opnunartími er frá kl.16 til 23 en þó lengur þegar haldnar eru bæjarhátíðir. Óskað er eftir heimild nefndarinnar fyrir eftirtöldum staðsetningum:

1. Torgið Siglufirði
2. Aðalgötu 24 (búið að ræða við húseigendur)
3. Horn Aðalgötu og Tjarnargötu
4. Á svæðinu milli Tónskóla og Bæjarskrifstofu
5. Tjaldsvæðinu Siglufirði
6. Aðalgötu 25

Einnig lagt fram samþykki heilbrigðiseftirlitsins sem samþykkti starfsleyfi matsöluvagnsins á fundi sínum þann 30.júní sl.

Lagt fram til kynningar niðurstaða fyrsta hluta verkefnisins Endurheimt votlendis á Norðurlandi eystra sem unnin var af Smára Jónasi Lúðvíkssyni fyrir SSNE. Merktir hafa verið inn á loftmynd skurðir í beinni eigu sveitarfélaganna sem eru heppilegir til endurheimtar. Næstu skref eru í höndum sveitarfélaganna sjálfra, sem þurfa að raunmeta á staðnum þá skurði sem merktir hafa verið heppilegir til endurheimtar.