Skipulags- og umhverfisnefnd Fjallabyggðar

Lögð fram að nýju tillaga að deiliskipulagi þjóðvega í þéttbýli Siglufjarðar dagsett 2. desember 2022, sem kynnt var á íbúafundi þann 16. nóvember 2022.

Lögð fram að nýju tillaga að breytingu á deiliskipulagi Snorragötu dagsett 2. desember 2022, sem unnin er samhliða deiliskipulagi þjóðvega í þéttbýli Siglufjarðar. Tillagan var kynnt á íbúafundi þann 16. nóvember 2022. Einnig lagt fram minnisblað hönnuðar vegna breytinga á gatnamótum Snorragötu og Norðurtúns þar sem fyrirhuguðu hringtorgi er breytt í T-gatnamót.

Lögð fram skipulagslýsing vegna vinnu við deiliskipulag brimbrettaaðstöðu á Brimnestungu í Ólafsfirði.

Lögð fram tillaga að breytingu deiliskipulags fyrir lóðina Skógarstíg 10 á Saurbæjarási. Breytingin felst í því að byggingarreitur stækkar um 8 metra til suðurs, hámarksbyggingarmagn er enn það sama.

Lögð fram umsókn um byggingarleyfi dagsett 13.12.2022 þar sem Lúðvík Freyr Sverrisson sækir um leyfi fyrir byggingu stálgrindarhúss á Ægisgötu 6 í samræmi við meðfylgjandi aðaluppdrætti dags. 9.12.2022.

Lögð fram umsókn um byggingarleyfi dagsett 14.12.2022 þar sem Jónína M. Friðriksdóttir sækir um leyfi fyrir viðbyggingu og lagfæringu utanhúss í samræmi við meðfylgjandi teikningar.

Lögð fram umsókn þar sem Atli Már Markússon og Oddný Inga Hólmsteinsdóttir sækja um endurnýjun lóðarleigusamnings við Fossveg 10, Siglufirði. Einnig lagt fram lóðarblað tæknideildar dags.20.12.2022.

Lögð fram umsókn þar sem Þórarinn Hjörtur Ævarsson og Barbara Ösp Ómarsdóttir sækja um endurnýjun lóðarleigusamnings við Hverfisgötu 8, Siglufirði. Einnig lagt fram lóðarblað tæknideildar dags.29.12.2022.

Lagður fram tölvupóstur frá Brent Ozar dagsett 5.desember 2022 þar sem frístundalóð við Ráeyrarveg 4 er skilað aftur inn til sveitarfélagsins. Lóðarúthlutunargjald hefur verið endurgreitt í samræmi við 9.gr. í samþykkt um frístundalóðir í landi Fjallabyggðar.

Lagt fram erindi frá Róberti Guðfinnssyni f.h. Selvíkur ehf. dagsett 15.desember 2022. Í erindinu er óskað eftir samþykki Fjallabyggðar fyrir fjórum hraðhleðslustöðvum á bílastæðalóð Selvíkur við Snorragötu 4 sem settar verða upp í samstarfi við HS orku og tæknifyrirtækið InstaVolt. Einnig mun Selvík ehf. setja upp 6 einfaldar hleðslustöðvar á bílastæðalóð Sigló Hótel við Snorragötu 6A.

Lagt fram erindi Björns Þórs Ólafssonar dags. 5.12.2022. Í erindinu er komið á framfæri þeirri hættu sem getur skapast við Hornbrekkuveg 8 í Ólafsfirði þar sem gangsétt endar og gata þrengist. Sjálfur lenti Björn í óhappi nýlega og mildi að ekki fór verr. Mikil fallhæð er frá götunni og niður á aðliggjandi lóð og ekkert vegrið sem kemur í veg fyrir óhöpp þar sem fólk eða bílar fari þarna fram af.

Dagana 16.-28. desember sl. var opnað fyrir tillögur frá almenningi um götuheiti nýrrar götu á malarvellinum þar sem áformað er að hefja framkvæmdir við nýbyggingar á árinu. Alls bárust 142 tillögur.

Lagt fram til kynningar sorphirðudagatal fyrir árið 2023.

Lagt fram til kynningar fundardagatal nefnda fyrir árið 2023.