Skipulags- og umhverfisnefnd Fjallabyggðar

Lögð fram drög að greinargerð og uppdráttum fyrir deiliskipulag þjóðvega í þéttbýli Siglufjarðar, unnið af Herði Bjarnasyni og Iðunni Daníelsdóttur hjá Mannvit. Skipulagslýsing fyrir verkefnið var kynnt samhliða deiliskipulagi þjóðvega í þéttbýli Ólafsfjarðar.

Lögð fram breytingartillaga á deiliskipulagi Snorragötu sem unnin er samhliða gerð deiliskipulags fyrir þjóðvegi i þéttbýli Siglufjarðar. Breytingin felur í sér að aðlaga skipulagsmörk svo þau skarist ekki, staðsetja gönguþveranir með miðeyjum til að draga úr umferðahraða í gegnum safnasvæðið og gera ráð fyrir göngustíg austan Snorragötu frá Norðurtúni að Norðurtanga. Einnig er aðkomu að Sigló Hótel breytt skv. núverandi útfærslu sem gildandi deiliskipulag hafði ekki gert ráð fyrir.

Lögð fram skipulagslýsing vegna vinnu við deiliskipulag fyrir þjónustuhús og smáhýsi við Skarðsveg á Siglufirði. Deiliskipulagið kallar á breytingu á aðalskipulagi og er sú breyting einnig kynnt í skipulagslýsingunni. Deiliskipulagið er unnið af Basalt arkitektum fyrir Vernharð Skarphéðinsson en breyting á aðalskipulagi verður í höndum Teiknistofu arkitekta Gylfa Guðjónssonar og félaga f.h. Fjallabyggðar.

Samkvæmt ákvæði 1. mgr. 35. gr. skipulagslaga nr. 123/2010 metur sveitarstjórn hvort ástæða sé til að endurskoða aðalskipulag sveitarfélagsins í upphafi nýs kjörtímabils. Skal ákvörðun sveitarstjórnar liggja fyrir innan 12 mánaða frá kosningum og skal niðurstaðan tilkynnt Skipulagsstofnun jafnskjótt og hún liggur fyrir.

Lögð fram umsókn þar sem Jakob Auðun Sindrason sækir um endurnýjun lóðarleigusamnings við Hafnartún 4, Siglufirði. Einnig lagt fram lóðarblað tæknideildar dags.12.10.2022.

Lögð fram umsókn þar sem Hanna Björnsdóttir og Björn G. Haraldsson sækja um endurnýjun lóðarleigusamnings við Hliðarveg 22, Siglufirði.

Lögð fram umsókn þar sem Stefán Júlíusson sækir um endurnýjun lóðarleigusamnings við Kirkjustíg 1, Siglufirði. Einnig lagt fram lóðarblað tæknideildar dags.26.10.2022.

Lagt fram lóðarblað dags. 7.10.2022 ásamt lóðarmarkayfirlýsingu vegna stækkunnar Hornbrekkuvegar 13 í Ólafsfirði.

Lagt fram lóðarblað og lóðarmarkayfirlýsing fyrir Lindargötu 11 á Siglufirði dags. 12.10.2022 þar sem lóðarmörk eru lagfærð með tillit til bílastæðis sem fylgir Suðurgötu 16. Einnig lagður fram tölvupóstur þar sem samþykki lóðarhafa Lindargötu 11 fyrir breytingunni kemur fram.

Lagt fram erindi Auðar Kapitolu Einarsdóttur þar sem fjallað er um umferðaröngþveiti sem getur skapast á álagstíma á morgnana við Grunnskólann á Tjarnarstíg í Ólafsfirði.

Lagt er fram erindi Haraldar Björnssonar, dags. 21.09.2022 um fjallskil í Fjallabyggð. Í erindinu segir Haraldur upp frístundasamning frá ágúst 2016 og óskar eftir skýringu á hárri upphæð sem sveitarfélagið greiðir til fljótamanna fyrir smalamennsku.

Lagt fram minnisblað skipulags- og tæknifulltrúa dags. 14.10.2022 þar sem fjallað er um samráðsvettvang sveitarfélagsins og íbúa og lagt til að notast verði við kerfi Betra Íslands og hefja með því samráð við íbúa varðandi umhverfisverkefni sveitarfélagsins.

Lögð fram til kynningar bókun Heilbrigðisnefndar Norðurlands vestra þar sem þeim tilmælum er beint til aðildarsveitarfélaga að ítreka mikilvægi þess að eigendur hunda láti ormahreinsa þá og að sveitarfélögin auglýsi árlega hundahreinsun í lok sláturtíðar til að koma í veg fyrir útbreiðslu sníkjudýra.