Umsókn um lóð undir smáhýsi

Með tölvupósti frá 4. september 2020 óskar Vernharður Skarphéðinsson eftir heimild frá Skipulags- og umhverfisnefd til þess að láta vinna deiliskipulag fyrir smáhýsabyggð í Skarðsdal. Meðfylgjandi er loftmynd af svæðinu sem um ræðir.

Á 258. fundi nefndarinnar, þann 4. September 2020, var tekin fyrir umsókn Vernharðar Skarphéðinssonar um lóð undir smáhýsabyggð í Skarðsdal. Nefndin tók jákvætt í erindið en óskaði eftir frekari upplýsingum.
Nú liggja fyrir meiri upplýsingar um fyrirhugaða smáhýsabyggð auk umsóknar umsækjanda um heimild til deiliskipulagsgerðar.

Lögð fram skipulagslýsing vegna vinnu við deiliskipulag fyrir þjónustuhús og smáhýsi við Skarðsveg á Siglufirði. Deiliskipulagið kallar á breytingu á aðalskipulagi og er sú breyting einnig kynnt í skipulagslýsingunni. Deiliskipulagið er unnið af Basalt arkitektum fyrir Vernharð Skarphéðinsson en breyting á aðalskipulagi verður í höndum Teiknistofu arkitekta Gylfa Guðjónssonar og félaga f.h. Fjallabyggðar.

Lagðar fram umsagnir sem bárust vegna skipulagslýsingar sem auglýst var frá 10. nóvember til 1. desember 2022. Umsagnir bárust frá Skipulagsstofnun, Minjastofnun Íslands, Vegagerðinni, Umhverfisstofnun og heilbrigðisnefnd Norðurlands vestra. Einnig lögð fram drög að deiliskipulagi og breytingu á Aðalskipulagi Fjallabyggðar 2020-2032 þar sem búið er að bregðast við þeim ábendingum sem bárust.

Lögð fram tillaga að deiliskipulagi lóða undir smáhýsi í Skarðsdal dagsett 2.12.2022 og breyting á Aðalskipulagi Fjallabyggðar 2020-2032 dagsett 1.12.2022, sem kynnt var fyrir opnu húsi þann 16.janúar sl.

Lögð fram að nýju tillaga deiliskipulags lóða undir smáhýsi í Skarðsdal ásamt breytingu aðalskipulags Fjallabyggðar sem auglýst var samhliða dagana 9. febrúar - 28. mars 2023 skv. 41.gr. skipulagslaga nr. 123/2010. Einnig lagðar fram þær umsagnir sem bárust frá umsagnaraðilum og svör við þeim. Engar aðrar athugasemdir eða ábendingar bárust á kynningartímanum.

Á 298. fundi skipulags- og umhverfisnefndar var lögð fram að nýju tillaga deiliskipulags lóða undir smáhýsi í Skarðsdal ásamt breytingu aðalskipulags Fjallabyggðar sem auglýst var samhliða dagana 9. febrúar - 28. mars 2023 skv. 41.gr. skipulagslaga nr. 123/2010. Einnig lagðar fram þær umsagnir sem bárust frá umsagnaraðilum og svör við þeim. Engar aðrar athugasemdir eða ábendingar bárust á kynningartímanum.
Nefndin samþykkti deiliskipulag smáhýsa í Skarðsdal ásamt breytingu á aðalskipulagi fyrir sitt leyti og vísaði málinu til afgreiðslu bæjarstjórnar.

Enginn tók til máls.