Hafnarstjórn Fjallabyggðar

Hafnarstjóri lagði fram og fór yfir tölur um landaðan afla með samanburði við fyrra ár. Á Siglufirði höfðu þann 20. febrúar 1593 tonn borist á land í 37 löndunum, samtímatölur fyrra árs eru 1325 tonn í 25 löndunum. Á Ólafsfirði hefur engum afla verið landað á þessu ári.

Lögð fram til kynningar drög að ársreikning Hafnasambands Íslands fyrir árið 2022.

Umhverfisstofnun vekur athygli á að samkvæmt 2. mgr. 11.gr. reglugerðar nr. 1010/2012 um viðbrögð við bráðamengun hafs og stranda skulu hafnir fyrir 1. mars ár hvert skila til Umhverfisstofnunar, uppfærðri viðbragðsáætlun og skýrslu um mengunarvarnaæfingar árið á undan, notkun mengunarvarnabúnaðar, mat á ástandi hans og þörf á endurnýjun, ásamt upplýsingum um bráðamengun sem orðið hefur í höfninni og hvernig við henni var brugðist.

Lögð fram til kynningar skipulagslýsing vegna vinnu við deiliskipulag hafnarsvæðis Siglufjarðar. Deiliskipulagið verður unnið af Lilju Filippusdóttur hjá Lilium teiknistofu.

Samkvæmt 5. gr. reglugerðar nr.1200/2014 hefur Umhverfisstofnun eftirlit með móttöku úrgangs og farmleifa frá skipum í höfnum, tilkynningum um úrgang, áætlunum hafna og að til staðar sé aðstaða fyrir móttöku úrgangs. Markmið reglugerðar þessarar er að draga úr losun úrgangs og farmleifa í sjó frá skipum með því að tryggja aðstöðu í höfnum til að taka við úrgangi frá skipum.

Eftirlit samkvæmt 1. mgr. 5.gr. með höfnum Fjallabyggðar verður framkvæmt á vormánuðum.

Lögð fram til kynningar 449. fundargerð stjórnar Hafnasambands Íslands.

Lagðar fram til kynningar siðareglur kjörinna fulltrúa í Fjallabyggð.