Bæjarráð Fjallabyggðar

Lagðar fram upplýsingar frá fyrirtækinu Króla frá 30. október um verð í flotbryggjur fyrir höfnina í Ólafsfirði.
Um er að ræða tvær einingar 20 m langar með sambærilegum búnaði og á Siglufirði.

Bæjarráð vísar erindinu til umsagnar hjá hafnarstjórn og verður málið rætt frekar í bæjarráði við uppsetningu á fjárfestingaráætlun fyrir árið 2015.

Niðurstaða bæjarráðs er skráð sem trúnaðarmál í skjalakerfi bæjarfélagsins.

Atvinnumálanefnd samþykkti á 2. fundi sínum að leggja til við bæjarráð að Fjallabyggð standi fyrir samkeppni um góðar viðskiptahugmyndir í heimabyggð og að óskað verði eftir samstarfi við Nýsköpunarmiðstöð Íslands og Atvinnuþróunarfélag Eyjafjarðar.

Bæjarráð samþykkir að fela atvinnumálanefnd að þróa hugmyndina áfram áður en afstaða verður tekin.

Bæjarráð leggur til við bæjarstjórn að eftirtaldir verði fulltrúar Fjallabyggðar í fulltrúaráði Eyþings:

Sigurður Valur Ásbjarnarson aðalmaður
Steinunn María Sveinsdóttir aðalmaður

S. Guðrún Hauksdóttir varamaður
Ríkharður Hólm Sigurðsson varamaður

Farið yfir framkvæmdaáætlun ársins og framkvæmdir bornar saman við áætlun.
Ljóst er að í heildina séð eru framkvæmdir á áætlun, en eftir er að ljúka einstökum verkþáttum og sum verk hafa ekki verið innheimt, reikningar ekki komnir.
Í útkomuspá er gert ráð fyrir um 306 m.kr. en í áætlun ársins var gert ráð fyrir um 321 m.kr. til framkvæmda.

Lögð fram til kynningar tillaga að viðauka við fjárhagsáætlun 2014, sem ætlunin er að bera upp á næsta fundi bæjarstjórnar.
Tillagan er sett upp með tilliti til breytinga á launaliðum og annarra breytinga í samræmi við útkomuspá ársins.

Lagður fram breyttur fjárhagsrammi fyrir áætlun Fjallabyggðar fyrir árið 2015, miðað við samþykktir á síðasta fundi bæjarráðs.

Rekstrarsamningar og styrkir til félagasamtaka vegna fasteignaskatta verða teknir til umfjöllunar í bæjarráði.

Alþingisskjal 27 - 27. mál. Tillaga lögð fram til kynningar.

Lögð fram skýrsla Þjóðskrár Íslands til kynningar.

Sjá heimasíðu Þjóðskrár Íslands, skra.is.

Á öðrum fundi Atvinnumálanefndar var lagt til við bæjarráð, að boðað verði til fundar með hagsmunaaðilum til að fá fram hugmyndir að sérreglum sveitarfélagsins.

Bæjarráð samþykkir að boða til fundar með hagsmunaaðilum n.k. mánudag 10. nóvember kl. 18:00 í Ráðhúsi Fjallabyggðar.

Fundargerð 820. fundar stjórnar Sambands íslenskra sveitarfélaga lögð fram til kynningar.

Lagðar fram upplýsingar um rekstur bæjarfélagsins fyrstu níu mánuði ársins.
Rekstrarniðurstaða tímabils er 2,4 milljónum betri en tímabilsáætlun gerir ráð fyrir, -70,0 millj. miðað við -67,6 millj.
Tekjur eru 13,6 millj. hærri en áætlun, gjöld 24,5 millj. hærri og fjárm.liðir 13,2 millj. lægri.

Deildarstjóri stjórnsýslu og fjármála vék af fundi undir þessum dagskrárlið.
Bæjarráð tók til umræðu hugmyndir um breytingar á skipuriti bæjarfélagsins.

Bæjarráð samþykkti að vísa skipuriti Fjallabyggðar til frekari umræðu í bæjarráði.