Bæjarráð Fjallabyggðar

Lagt fram bréf mótt. 1. júlí 2013 en aðalfundur Hestamannafélagsins Gnýfara var haldinn 21. maí s.l.
Í bréfinu koma fram áherslur fundarins og eru þær helstar þessar.

1. Framlag frá ríkinu til að byggja reiðskemmu í Ólafsfirði.

2. Snjómokstur að félagsheimili Gnýfara s.l. vetur.

3. Snjómokstur á milli tveggja hverfa hins eldra og hins nýja.

4. Stjórn Gnýfara sækir um uppsetningu á lýsingu á milli hverfa.

Bæjarráð vísar erindinu til skoðunar við gerð áætlunar fyrir árið 2014, en felur deildarstjóra tæknideildar að skoða mokstur svæðisins næsta vetur.

Lögð fram viðhaldsáætlun deildarstjóra tæknideildar fyrir Menntaskólann á Tröllaskaga.

Áætlaður heildarkostnaður er um 25 m.kr. og er lagt til að verkþáttum í viðhaldi skólahúsnæðisins verði skipt niður á þrjú fjárhagsár.

Bæjarráð samþykkir að vísa tillögunum til gerðar næstu fjárhagsáætlunar, en í samræmi við gildandi fjárhagsáætlun 2013 verður unnið að viðhaldi skólahúsnæðisins fyrir um 3 m.kr.

Lagðir fram minnispóstar á milli bæjarstjóra og formanns hestamannafélagsins Glæsis. Einnig var farið yfir fund bæjarstjóra með fulltrúa félagsins í s.l. viku.

Bæjarráð samþykkir að fela tveimur bæjarfulltrúum, einum frá meirihluta, Ingvari Erlingssyni, og öðrum frá minnihluta, Sólrúnu Júlíusdóttur, umboð til að hitta tvo fulltrúa Hestamannafélagsins Glæsis með það í huga að hefja samráðsferli sem á að leiða til sátta í málinu.
Fundur er fyrirhugaður á miðvikudaginn 10.07.2013, kl. 18.30.

Bæjarráð vill árétta að bæjarfélagið hefur nú þegar gefið út framkvæmdarleyfi fyrir hluta af svæðinu sem ætlað er fyrir golfvöll í samræmi við deiliskipulag.

Það er því ekki ætlunin að afturkalla leyfið enda hefur Fjallabyggð boðað í bréfi 11. júní 2012 að bættur verði sá skaði sem hestamannafélagið Glæsir kann að verða fyrir vegna flutnings af hluta af svæðinu.

Lagt fram bréf frá Félagi fagfólks í frítímaþjónustu dags. 2. júlí 2013.

Félagið hvetur Fjallabyggð til að leggja áherslu á faglegt frístundastarf, m.a. í félagsmiðstöðum og hjá eldri bæjarbúum og stíga varlega til jarðar þegar gera á breytingar eða hagræða í þessum málaflokki.

Lagt fram til kynningar.

Lagt fram erindi frá Sambandi ísl. sveitarfélaga dagsett 28. júní 2013 um nokkur atriði sem geta komið að gagni við undirbúning að gerð fjárhagsáætlana sveitarfélaga fyrir næsta ár og við gerð þriggja ára áætlunar.
Einnig tillaga bæjarstjóra að fjárhagsáætlunarferli, skilgreiningu á hlutverkum og tímasetningu verkþátta.

Lagt fram til kynningar launayfirlit fyrir janúar til júní 2013.
Niðurstaðan fyrir heildina er 415 m.kr. sem er um 98% af áætlun tímabilsins sem var 422 m.kr.
Þó eru deildir sem eru yfir áætlun tímabilsins samtals um 10 m. kr. á móti öðrum deildum sem eru undir áætlun samtals um 17 m.kr.

Fundargerð frá 2. júlí lögð fram til kynningar.

Fundargerð 807. fundar frá 28. júní lögð fram til kynningar.

Bæjarstjóri, Sigurður Valur Ásbjarnarson, gerði grein fyrir fundargerð.