Bæjarráð Fjallabyggðar

Lögð fram drög að þjónustusamningi við Höllina veitingahús, sem fræðslu- og menningarfulltrúi hefur unnið að, á grundvelli umræðna og niðurstöðu í menningarnefnd.
Einnig minnispunktar um aðstöðugjald og dyravörslu.
Bæjarráð fellst á þá nálgun sem fram kemur í drögum að þjónustusamningi.
Endanlegur samningur verður lagður fyrir bæjarstjórn í næstu viku.

Lögð fram tillaga frá deildarstjóra tæknideildar að bótum vegna nauðsynlegra breytinga á lóðarblaði fyrir lóðarhafa að Gránugötu 5b Siglufirði.
Einnig kostnaðaráætlun og skýringarmynd.

Bæjarráð samþykkir framkomna tillögu og vísar til endanlegrar afgreiðslu bæjarstjórnar.

Í erindi frá Ungmennafélaginu Vísi frá 29. maí 2013, er sótt um niðurfellingu eða lækkun á fasteignagjöldum af félagsheimilinu Hringver.

Bæjarráð hafnar beiðni um niðurfellingu eða lækkun á fasteignagjöldum, þar sem hún fellur að reglum sveitarfélagsins.

Lagt fram rekstraryfirlit sveitarfélagsins, ásamt skýringum, fyrir tímabilið 1. janúar til  30. apríl 2013, sem og áætlun fyrir allt árið til samanburðar. 
Samkvæmt því er niðurstaðan fyrstu fjögurra mánaða ársins 93% af áætlun.

Lögð fram tillaga að viðauka við fjárhagsáætlun 2013 og 2014 - 2016.

Eftir umfjöllun og breytingar á tillögunni samþykkir bæjarráð að viðaukatillaga með umræddum breytingum verði lögð fyrir næsta bæjarstjórnarfund.

Tekin til umfjöllunar samþykkt um stjórn Fjallabyggðar og fundarsköp bæjarstjórnar og breytingar sem þarf að gera.

Unnið verður áfram í samráði við lögfræðing Sambands íslenskra sveitarfélaga og tillaga lögð fyrir næsta bæjarstjórnarfund.

Fundargerð frá 18. maí 2013 lögð fram til kynningar.