Bæjarráð Fjallabyggðar

Á 824. fundi bæjarráðs var tekið fyrir erindi Hins Norðlenzka Styrjufjelags, sem hefur óskað eftir viðræðum við bæjaryfirvöld um þörf eldisins á fersku, köldu vatni. Jafnframt var óskað eftir viðræðum um gjaldskrá fyrir félagið miðað við þessa vatnsnotkun.

Bæjarráð fól bæjarstjóra að leggja fram tillögu að uppfærðri gjaldskrá á næsta fundi bæjarráðs í samræmi við umræður á fundinum.
Tillaga bæjarstjóra lögð fram.

Lagt er fram minnisblað bæjarstjóra um kaup á úttekt á akstursþjónustu Fjallabyggðar sem sett var á laggirnar haustið 2023 og úttekt á fyrirkomulagi flokkunarstöðva í Fjallabyggð og framtíðarsýn.

Tilboð voru opnuð þriðjudaginn 19. mars í verkið "Siglufjörður Aðalgata, endurnýjun".
Eftirfarandi tilboð bárust:
Bás ehf. 75.706.167,-
Sölvi Sölvason 65.868.982,-
Kostnaðaráætlun 75.688.550,-

Deildarstjóri tæknideildar hefur yfirfarið tilboðin og leggur til við bæjarráð að tilboði lægstbjóðanda verði tekið.

Lögð fram umsagnarbeiðni frá Sýslumanninum á Norðurlandi eystra, dags. 18.03.2024. Beiðnin varðar umsókn Helenu Hansdóttur um leyfi til gistingar í flokki II við Sæbala, Kirkjuveg 19 á Ólafsfirði.

Lögð fram umsagnarbeiðni frá Sýslumanninum á Norðurlandi eystra, dags. 18.03.2024. Beiðnin varðar umsókn Guðrúnar Elsu Gunnarsdóttur um leyfi til gistingar í flokki II á Hlíðarvegi 20 fyrir Gagginn Sigló apartments.

Lögð er fram umsagnarbeiðni frá Sýslumanninum á Norðurlandi eystra vegna umsóknar Barðsmanna ehf., kt. 560522-1180 um tímabundið áfengisleyfi vegna páskadagskrár í skíðasvæðinu Skarðsdal.

Segull 67 óskar þess að fá að loka Vetrarbraut laugardaginn 30. mars 2024, frá gistihúsinu Hvanneyri og norður að næstu gatnamótum. Til stendur að halda sleðakeppni fyrir unga sem aldna.

Erindi frá Emmu Louise Sanderson þar sem hún óskar eftir að mála veggmyndir á tvo veggi innanhúss í stofnunum sveitarfélagsins. Um er að ræða verkefni sem fékk menningarstyrk í úthlutun markaðs- og menningarnefndar 2024.

Lögð fram áskorun, dags. 8. mars 2024, frá Sambandi íslenskra sveitarfélaga sem send var á allar sveitarstjórnir landsins. Í henni kemur fram að formaður Sambands íslenskra sveitarfélaga hafi skrifað undir yfirlýsingu um stuðning ríkisstjórnarinnar og Sambands íslenskra sveitarfélaga vegna kjarasamninga. Yfirlýsingin var gerð til að greiða fyrir gerð langtímakjarasamninga á vinnumarkaði með það að markmiði að ná niður vöxtum og verðbólgu.
Í yfirlýsingunni kemur m.a. fram að sveitarfélögin komi að því á samningstímanum, ásamt ríkinu, að brúa bilið milli fæðingarorlofs og leikskóla og að útfærð verði leið til að skólamáltíðir grunnskólabarna verði gjaldfrjálsar frá og með ágúst 2024 til loka samningstímans. Komi til þess mun ríkið greiða kostnaðarþátttöku sem gæti á landsvísu numið 4,0 milljörðum. Fram kemur að ríkið og Samband íslenskra sveitarfélaga muni útfæra þetta og mun vinna við það fara af stað á næstu dögum og verða nánari upplýsingar veittar þegar nær dregur. Þá er því beint til sveitarstjórna að endurskoða gjaldskrárhækkanir sem tóku gildi um síðustu áramót er varða barnafjölskyldur og fólk í viðkvæmri stöðu. Miða skuli við að hækkun þessa árs verði ekki umfram 3,5%. Þá verði gjaldskrárhækkunum stillt í hóf eins og nokkur kostur er á samningstímanum.

Umboðsmaður barna, embætti landlæknis, Heyrnar- og talmeinastöð ríkisins og Vinnueftirlitið stóðu nýverið að málþingi í tilefni af alþjóðlegum degi heyrnar þann 3. mars. Á málþinginu var sjónum beint að hljóðvist í umhverfi barna og var sérstaklega rætt um hljóðvist í skólum. Litið var til hljóðmælinga sem Vinnueftirlitið hefur framkvæmt, sem sýna að bæta þarf hljóðvist í skólum, á öllum skólastigum. Einnig kom fram að ómtími í opnum rýmum, svo sem matsölum, íþróttasölum og stórum kennslurýmum er víðast hvar of langur, sem magnar hávaða og getur skaðað heyrn barna og starfsfólks. Þá sýna rannsóknir að kennarar upplifa hávaða sem algengasta álagsþáttinn í starfi sínu.

Af þessu tilefni vill umboðsmaður barna skora á sveitarfélög landsins að grípa til nauðsynlegra ráðstafana til að bæta hljóðvist í leik- og grunnskólum. Samkvæmt 24. gr. Barnasáttmálans, sem lögfestur var hér á landi með lögum nr. 19/2013, eiga börn rétt á að njóta besta heilsufars sem hægt er að tryggja, og að lifa í heilnæmu og öruggu umhverfi.

Lagt fram erindi frá Styrktarsjóði EBÍ þar sem aðildarsveitarfélög eru hvött til þess að sækja um styrk í sjóðinn fyrir 30. apríl nk.

Nú hefur tekið til starfa starfshópur á vegum umhverfis-, orku- og loftslagsráðuneytisins sem ætlað er að endurskoða frá grunni lög um verndar- og orkunýtingaráætlun nr. 48/2011 (rammaáætlun). Í starfshópnum sitja Hilmar Gunnlaugsson, hrl., formaður, Björt Ólafsdóttir fyrrv. umhverfis- og auðlindaráðherra og Kolbeinn Óttarsson Proppé fyrrv. alþingismaður.
Í tengslum við að starfshópurinn hefur hafið störf hefur áformaskjal um lagasetningu verið birt í samráðsgátt stjórnvalda.

Fundargerðir 1.-5. fundar starfshóps lagðar fram til kynningar

Fundargerðir 1. og 2. fundar starfshóps lagðar fram til kynningar.

Fundargerðir 1., 2. og 3. fundar starfshóps lagðar fram til kynningar.