Bæjarráð Fjallabyggðar

Deildarstjóri félagsmáladeildar mætti á fund bæjarráðs og fór yfir helstu verkefni deildarinnar.

Lagt fram minnisblað deildarstjóra stjórnsýslu og fjármála og deildarstjóra félagsmáladeildar um ferðaþjónustu í Fjallabyggð.

Lagt fram minnisblað bæjarstjóra um tímabundna niðurfellingu gatnagerðargjalda í Fjallabyggð.

Tilboð voru opnuð vegna sameiningar á íbúðum á 3. hæð í Skálarhlíð. Eitt tilboð barst frá L7 ehf.

Lagt fram til kynningar yfirlit staðgreiðslu fyrir mars 2023. Staðgreiðsla fyrir tímabilið nemur kr. 120.660.382,- eða 96,2% af tímabilsáætlun 2023. Íbúum sveitarfélagsins hefur fjölgað um 17 á tímabilinu.

Lagt fram til kynningar yfirlit yfir launakostnað og kostnað vegna langtímaveikinda frá janúar til mars 2023.

Lagt fram yfirlit um aldursgreiningu innheimtukrafna, sundurliðað eftir viðskiptareikningum.

Á ársþingi SSNE (Samtaka sveitarfélaga og atvinnuþróunar á Norðurlandi eystra) sem haldið var á Siglufirði 14.-15. apríl síðastliðinn var samþykkt breyting á samþykktum samtakanna þannig að hvert sveitarfélag á nú að skipa einn aðalfulltrúa og einn varafulltrúa í stjórn SSNE, nema Akureyrarbær sem skipar tvo.
Af því tilefni er hér með óskað eftir að bæjarstjórn Fjallabyggðar skipi bæði aðalfulltrúa- og varafulltrúa í stjórn SSNE. Stefnt er að því að fyrsti fundur nýrrar stjórnar verði haldinn 3. maí næstkomandi. Ef fyrirséð er að ekki náist að skipa fulltrúa fyrir þann tíma má gjarnan láta undirritaða vita af því.

Lagt fram erindi frá Styrktarsjóði EBÍ þar sem aðildarsveitarfélög eru hvött til þess að sækja um styrk í sjóðinn fyrir 30. apríl nk.

Lagt fram erindi Icelandic Eider ehf. um efnislosun við Leirutanga.

Lagt fram erindi Háskóla Íslands og Háskólans á Akureyri til kynningar á Fagháskólanámi í leikskólafræði.
Verkefnið Fagháskólanám í leikskólafræði á landsvísu er samstarfsverkefni Háskóla Íslands og Háskólans á Akureyri. Fagháskólanáminu er ætlað að efla fagmenntun í leikskólunum með því að fjölga kennurum og að efla innra starf í leikskólum með því að tvinna saman nám og starf. Markmið verkefnisins eru jafnframt að þróa fjárnámsmöguleika og gefa starfsfólki leikskóla sem ekki lauk framhaldsskóla tækifæri til sérsniðins náms sem getur orðið brú yfir í háskólanám. Fagháskólanámið er liður í að fjölga leikskólakennurum, en um 1.500 leikskólakennara vantar til starfa. Með þróun fjarnámsmöguleika mun fagháskólanámið stuðla að auknu jafnrétti til náms í landinu.

Ársreikningur Þjóðlagaseturs sr. Bjarna Þorsteinssonar 2022 ásamt skýrslu um sumarstarf 2022 lagt fram til kynningar.

Fundargerð 51. fundar stjórnar SSNE lögð fram til kynningar.

Fundargerð 11. fundar Svæðisskipulagsnefndar Eyjafjarðar lögð fram til kynningar.

Fundargerð 36. fundar ungmennaráðs Fjallabyggðar lögð fram til kynningar.