Erindi vegna laxeldis á Tröllaskaga

Bæjarstjórn fagnar þeirri framtíðarsýn og áform sem Kleifar fiskeldi ehf. hefur kynnt varðandi laxeldi á Tröllaskaga. Verkefnið skapar tækifæri til nýrra starfa og styrkir atvinnulíf á svæðinu.

Á sama tíma leggur bæjarstjórn áherslu á mikilvægi þess að náttúruvernd sé höfð í fyrirrúmi við alla þróun fiskeldis. Til að tryggja að firðirnir ráði við áformað fiskeldi, án þess að umhverfið verði fyrir skaða, þarf að framkvæma burðarþolsmat ásamt því að gert verði áhættumat fyrir erfðablöndun vegna sjókvíaeldisins, þar sem slíkt eldi getur haft áhrif á villta laxastofna á svæðinu.

Að lokum hvetur bæjarstjórn, matvælaráðherra til að hraða vinnu við frumvarp um lagareldi, þar sem skýr lagalegur rammi er nauðsynlegur til að tryggja ábyrgan og sjálfbæran vöxt fiskeldisgreinarinnar til framtíðar.

Bæjarráð þakkar forsvarsmönnum Laxóss fyrir erindið og felur bæjarstjóra að boða þá á fund bæjarráðs við fyrsta tækifæri.

Bæjarráð þakkar forsvarsmönnum Laxóss ehf. fyrir komuna á fundinn og kynningu á þeirra áformum. Bæjarráð ítrekar bókun bæjarstjórnar frá 19. september síðastliðnum um mikilvægi þess að vinna við burðarþol svæðisins verði framkvæmt.

Bæjarstjórn þakkar Kleifum fiskeldi ehf. fyrir bréfið og óskar eftir nánari kynningu á erindinu.
Lagt fram til kynningar.