Fréttir

Starfsmaður óskast til starfa á Lindargötu 2 Siglufirði frá og með 1. september nk.

Á morgun miðvikudaginn 14. ágúst kl. 16:00-18:00 verður veggmyndin afhjúpuð í Félagsmiðstöðinni NEON, Suðurgötu 4, Siglufirði (fyrir ofan Kjörbúðina). Börnin sem unnu að veggmyndinni voru þau Maya, Aðalheiður Jórunn, Alda Máney, Benjamín Aron, Ingimar Skúli og Kristín Ósk.

Karlmaður óskast í 80-100% starf við Íþróttamiðstöðvar Fjallabyggðar vegna forfalla. Starfsstöðvar eru á Siglufirði og Ólafsfirði, en aðalega er um að ræða vaktir á Ólafsfirði. • Sökum eðli starfsins koma karlmenn einungis til greina. • Um tímabundið starf er að ræða í 3 mánuði. • Viðkomandi þyrfti að geta hafið störf sem fyrst.

Síldarævintýrið á Siglufirði var haldið í 30. skipti um nýliðna Verslunarmannahelgi.

Kæru íbúar og gestir Síldarævintýris 2024. Fjallabyggð býður gesti velkomna og óskar þeim og öllum íbúum Fjallabyggðar góðrar skemmtunar um helgina. Síldarævintýrið er fjölskylduhátíð og búist er við fjölmenni. Fjallabyggð hvetur því íbúa og gesti til að sýna aðgætni og tillitsemi í umferð um götur og þá sérstaklega í miðbæ Siglufjarðar.

Athygli er vakin á því að leyfi hafa verið gefin út vegna flugeldasýningar á Síldarævintýrinu á Siglufirði laugardaginn 3. ágúst á milli klukkan 22:30-23:30. Ef veðuraðstæður hamla því að hægt verði að skjóta upp flugeldum á þeim tíma er heimilt að færa flugeldasýninguna til sunnudagsins 4. ágúst á milli klukkan 22:30-23:30. Björgunarsveitin Strákar mun sjá um framkvæmd flugeldasýningarinnar. Skotið verður upp frá Norðurtanga. Eigendur gæludýra, hesta og búfénaðar á svæðinu eru beðnir um að gera viðeigandi ráðstafanir til þess að lágmarka að dýrin verði fyrir óþægindum.