Fréttir

Menningin verður svo sannarlega allsráðandi næstu daga og komandi helgi í Fjallabyggð. Hér ættu allir að finna eitthvað við sitt hæfi.

Fjallabyggð verður með smíðavelli fyrir börn fædd 2007-2013 á tímabilinu 15. júlí – 1. ágúst á Siglufirði og í Ólafsfirði.

Í dag mánudaginn 29. júní siglir Færeyski kútterinn Westward Ho til hafnar á Siglufirði. Áætlað er að Westward Ho sigli til hafnar og leggi að bryggju við Róaldsbrakkann um hádegisbil í dag og hvetja starfsmenn Síldarminjasafnsins bæjarbúa og aðra gestkomandi til að taka vel á móti skipinu og þiggja heimboð Færeyinga.

Fréttatilkynning frá Náttúruhamfaratryggingu Íslands (NTÍ). Á síðustu dögum hafa orðið um 1600 jarðskjálftar út af Norðurlandi, þar af þrír skjálftar stærri en fimm. Fyrst varð skjálfti af stærðinni 5,4 kl. 15:05 þann 20. júní. Mesta yfirborðshröðun skjálftans mældist á Siglufirði, rúmlega 5% af g (% af g, m.ö.o. hlutfall af þyngdarhröðun jarðar) í um 22 km fjarlægð frá upptökum. Sama dag, kl. 19:26 var skjálfti af stærðinni M5,6. Mesta mælda yfirborðshröðun var einnig á Siglufirði, rúmlega 7% af g og voru upptök hans í 19 km fjarlægð frá mælinum.

Íþróttamiðstöðvar Fjallabyggðar verða lokaðar 24. júní frá kl.12:00 – 19:00 vegna námskeiðahalds starfsmanna.

Í Vinnuskóla Fjallabyggðar er unnið gegn einelti og markvisst brugðist við ef upp kemur grunur um einelti. Flokkstjórar og yfirmaður Vinnuskóla eru lykilmenn í vinnunni.

Frjó menningarhelgi fer fram í Alþýðuhúsinu á Siglufirði 3. - 5. júlí 2020. Þar koma saman 11 listamenn sem bjóða uppá tónlist, myndlist og spjall. Menningarhelgi sem þessi skapar töfrandi flæði á milli listamannana og gefur gestum innsýn í spunakennt sköpunarferli. Viðburðirnir verða allir á heimilislegu nótunum og fjöldi gesta takmarkaður. Eru því allir beðnir um að sýna skilning, spritta á sér hendur og koma ekki ef um einhvern slappleika er að ræða. Tekið verður við frjálsum framlögum við innganginn.

Svæðisskipulagsnefnd Eyjafjarðar hefur þann 31. mars 2020 samþykkt tillögu að breytingu á Svæðisskipulagi Eyjafjarðar 2012-2024 vegna flutningslína raforku. Breytt stefna Svæðisskipulags Eyjafjarðar 2012-2024 um flutningslínur raforku er árétting þeirrar stefnu, sem sett var fram í svæðisskipulaginu á sínum tíma en nokkuð ítarlegri. Breytingin á við Blöndulínu 3 og Hólasandslínu 3.

Við kjör til forseta Íslands, er fram fer laugardaginn 27. júní 2020, er skipting í kjördeildir í sveitarfélaginu Fjallabyggð sem hér segir:

Kjörskrá í Fjallabyggð vegna forsetakosninganna þann 27. júní 2020 liggur nú frammi til sýnis í Ráðhúsi Fjallabyggðar, Gránugötu 24, frá kl. 9:30-15:00 og mun liggja frammi alla virka daga fram til 27. júní. Kjósendum er einnig bent á vefinn www.kosning.is en þar má finna hvar kjósendur eru á kjörskrá. Kjósendur eru hvattir til þess að kynna sér hvort nöfn þeirra séu á kjörskránni. Athugasemdum við kjörskrá skal beina til bæjarráðs Fjallabyggðar.