Fréttir

Líkt og undanfarin ár verða til sölu barmmerki með merki Síldarævintýrisins. Blakfélag Fjallabyggðar mun sjá um að selja Síldarævintýrismerkin og mun hluti af ágóða renna til styrktar barna- og unglingastarfi félagsins. Krakkar, unglingar og forráðamenn þeirra munu næstu kvöld ganga í hús og selja merkin.

Trilludagar voru haldnir í fyrsta skipti á Siglufirði nú um helgina. Trilludagar eru undanfari Síldarævintýris sem verður um Verslunarmannahelgina. Trilludagar voru skipulagðir í samvinnu við Rauðku sem gera út bátinn Steina Vigg á sjóstöng og trillueigendur.

Um verslunarmannahelgina verður í boði listasmiðja fyrir börn og aðstandendur við Alþýðuhúsið á Siglufirði laugardaginn 30. júlí kl. 14:00 – 16:00 - EF VEÐUR LEYFIR.

Anna Ósk Erlingsdóttir verður með erindi á Sunnudagskaffi með skapandi fólki í Alþýðuhúsinu á Siglufirði, sunnudaginn 31. júlí kl. 15:30 – 16:30.

Listhúsið í Ólafsfirði tekur þátt í Listasumri á Akureyri með prógrammið Olafsfjordur Impression sem útleggja má sem hughrif Ólafsfjarðar. Sýndar verða fjórar stuttmyndir frá listafólki sem dvalið hefur í Listhúsinu í Ólafsfirði.

Einn af dagskrárliðum Síldarævintýris er strandblaksmót sem Blakfélag Fjallabyggðar stendur fyrir í samvinnu við Sigló hótel. Mótið fer fram laugardaginn 30.júlí (ef skráning fram fram úr væntingum munu við nýta föstudaginn eða sunnudaginn til að spila líka).

Húlladúllan (Unnur María Bergsveinsdóttir) elskar að húlla! Hún skemmtir á stærri sem smærri viðburðum, kennir stórum sem smáum að húlla og gerir frábæra húllahringi.

Anna Jónsdóttir, sópransöngkona heldur tónleika í Siglufjarðarkirkju, sunnudaginn 24. júlí klukkan 17:00. Þar mun hún syngja íslensk þjóðlög.

Tónleikar og sögustund með Sinead Kennedy í Alþýðuhúsinu 21. júlí kl. 20:00

Í tengslum við Trilludaga, Síldardaga og Síldarævintýrið verður boðið upp á nokkrar gönguferðir í samstarfi við Gest Hansson og hans fyrirtæki Top Mountaineering. Gönguleiðirnar eru miserfiðar en ættu flestir að finna leiðir við hæfi.