Ungmennaráð Fjallabyggðar

Nefndarmenn ungmennaráðs þeir Steingrímur Árni og Sverrir Freyr voru þátttakendur í þinginu í haust og sögðu frá hvernig upplifun þeirra var, m.a. að ungmennin hafi tekið virkan þátt í fjölbreyttum vinnustofum. Ein af þeim snéri að því að læra að útbúa erindi til sveitastjórna með tilheyrandi rökum og lærðu ungmennin að útbúa erindi til sinnar sveitarstjórnar. Unnið með samgöngur í sveitarfélögunum.
Tilgangur verkefnis var í raun tvíþættur, annars vegar að nota útfærslu á raundæmi til að hvetja ungmenni og sýna þeim hvernig hægt er að nýta lýðræðislega þátttöku til að hafa áhrif á eigið samfélag.
Einnig eru nefndarmenn sammála um að vinnustofa Lýðræðislestarinnar sem var á Ungmennaþinginu hafi verið mjög fróðleg og vill ungmennaráð endilega athuga hvort hægt væri að fá slíka vinnustofu eða fyrirlestur af þeim toga fyrir skólana í Fjallabyggð. Sölku Hlín frístundafulltrúa var falið að athuga með það.

Erindið hefur verið tekið fyrir í Bæjarráði Fjallabyggðar svo og Skipulags-og umhverfisnefnd Fjallabyggðar þar sem bókað var að tillögur ungmennanna yrðu hafðar til hliðsjónar við endurskoðun umferðaröryggisáætlunar sveitarfélagsins. Ungmennaráð vill þakka Skipulags- og umhverfisnefnd Fjallabyggðar fyrir að taka jákvætt í erindið og hlakkar til að fá að fylgjast með framvindu vinnunnar.

Frístundastyrkur Fjallabyggðar til barna á aldrinum 4 - 18 ára er nú 50.000 kr. fyrir árið 2025. Ungmennaráð vill koma á framfæri mikilvægi þess að sveitarfélagið sé með frístundastyrki sem þessa til barna og ungmenna og telja að langflestir séu að nýta styrkina.