Stjórn Hornbrekku

Stjórn Hornbrekku samþykkir eftirfarandi tillögu að gjaldskrá vegna þjónustu Hornbrekku vegna andláts: Aðstöðugjald (kæligjald) kr. 5.100. Aðhlynning eftir andlát/umbúnaður líks/ kistulagning (kæligjald innifalið) kr. 21.000 Nærklæði kr. 4.000.

Hjúkrunarforstjóri gerði grein fyrir starfsemi Hornbrekku frá síðasta fundi. Á næstunni fara af stað framkvæmdir við breytingu á þvottahúsi á efri hæð og rýminu breytt í íveruherbergi. Með þessari breytingu eru 26 herbergi á Hornbrekku.

Lögð fram eftirlitsskýrsla Heilbrigðiseftirlits Norðurlands vestra, fyrir Hornbrekku, dags. 25. júní sl.

Hjúkrunarforstjóri fór yfir samantekt á gæðavísum (RAI-stuðull) Hornbrekku, frá mars 2018 til júní 2019. Niðurstöðurnar fyrir Hornbrekku, á þessu tímabili, eru í öllum þáttum innan viðmiðunarmarka.

Erindi frá Samtökum fyrirtækja í velferðarþjónustu varðandi rammasamning hjúkrunarheimila við ríkið, lagt fram til kynningar. Á félasgfundi SFV, sem haldinn var 12. ágúst sl. var eftirfarndi ályktun samþykkt: ,,Félagsfundur Samtaka fyrirtækja í velferðarþjónustu telur mikilvægt að samningaviðræður við ríkið um þjónustu í hjúkrunar -, dvalar -, og dagdvalarrýmum eigi sér stað miðlægt, milli samninganefnda SFV og ríkisins, en ekki á milli einstakra rekstraraðila og ríkisins. Fundurinn lýsir yfir fullum stuðningi við störf samninganefnda og stjórnar SFV í þeim viðræðum og hvetja þau til að afla umboða aðildarfélaga þess efnis."