Skipulags- og umhverfisnefnd Fjallabyggðar

Jón Hrólfur Baldursson og Ólöf Kristín Daníelsdóttir komu til fundar við nefndina til að ræða málefni lóðarinnar við Lækargötu 6c Siglufirði.

Bás ehf. sækir um leyfi til efnistöku í Skútudal og Hvanneyrarkrók, Siglufirði.

Nefndin samþykkir efnistöku í Skútudal og Hvanneyrarkrók gegn sama gjaldi og greitt er fyrir efnistöku í grjótnámum Fjallabyggðar.

Þórður B. Guðmundsson og Elís Hólm Þórðarson fyrir hönd Artic Freeride ehf, óska eftir leyfi til að lagfæra vegslóða sem liggur frá gamla Múlavegi og upp á Brimnesdal, einnig að fá að setja snjósöfnunargirðingar meðfram hluta slóðans.

Nefndin samþykkir erindið og felur tæknideild að sjá um eftirlit með framkvæmdinni.

Hörður Rögnvaldsson sækir um leyfi til að reisa svalir við Suðurgötu 47b samkvæmt framlagðri teikningu.

Nefndin samþykkir að fyrirhuguð framkvæmd verði grenndarkynnt húseiganda að Suðurgötu 47a.
Vísað til staðfestingar í bæjarráði.

Húseigandi við Lindargötu 9 óskar eftir áliti nefndarinnar á fyrirhugaðri stækkun og endurbyggingu bílskúrs á lóðinni.

Nefndin tekur vel í erindið og bendir á að grenndarkynning þurfi að fara fram Þegar fullnægjandi teikningar liggja fyrir.

Guðrún Inga Bjarnadóttir óskar eftir að fá umráð yfir lóðinni Lindargötu 7c eða að hún sameinist lóð hennar að Lindargötu 9. Markmiðið er að grisja og fegra lóðina.

Nefndin samþykkir að veita Guðrúnu Ingu Bjarnadóttur leyfi til að sjá um umhirðu lóðarinnar Lindargötu 7c.

Hafdís E. Gísladóttir fyrir hönd Sjálfsbjargar Siglufirði, óskar eftir því að lagðar verði tvær skábrautir fyrir aðgengi hjólastóla að Lækjargötu 2 á sama tíma og Lækjargatan verður lagfærð.

Nefndin samþykkir fyrir sitt leyti að útfæra ósk Sjálfsbjargar um betra aðgengi að Lækjargötu 2 samhliða endurnýjun Lækjargötu.

Deildarstjóri tæknideildar leggur fram gjaldskrá þjónustumiðstöðvar og óskar eftir að gjöld miðist við byggingarvísitölu (grunnur 2010) í samræmi við gjaldskrá vatnsveitu, í stað vísitölu neysluverðs.

Erindi samþykkt.

Verkáætlun fyrir lýsingu og helstu forsendur endurskoðunar aðalskipulags Fjallabyggðar, lögð fram til kynningar.